37:502  Dei  manu,  et  quidem  modo  inusitato.  Neque  enim  panis  erat,  quo  alerentur,  neque  etiam  aqua.  Deus  e  rupe  illis  aquam  eduxit:  deinde  saturavit  eos  coelesti  pane:  et  vestes  eorum  attritae  non  fuerunt  tam  longo  illo  tempore.  Videmus  ergo  exaggerari  eorum  crimen  circumstantia  temporis.  Nunc  sequuntur  quae  dixi.  Nam  propheta  vocat  desertum,  terram  aridam  vel  vastam,  terram  squalidam,  terram  horribilem,  terram  obscuritatis  mortiferae:  quasi  diceret  populum  fuisse  conservatum  in  media  morte,  imo  inter  multas  mortes.  Quia  vir  non  solebat  transire  per  terram  illam,  nec  quisquam  in  ea  habitabatj  inquit  Deus,  unde  igitur  vobis  salus  est  profecta?  Ex  quo  fonte?  nempe  ex  morte,  inquit.  Nam  desertum  quid  aliud  fuit,  quam  spectaculum  horribile,  in  quo  cernere  licebat  vos  circumdari  non  ab  una  specie  mortis,  sed  a  centum?  Quum  igitur  Deus  virtute  sua  incredibili  eduxerit  vos  ex  Aegypto,  et  per  annos  40  vos  aluerit  praeter  naturae  ordinem,  quaenam  suppetet  excusatio  tantae  dementiae,  quod  ab  ipso  nunc  estis  alienati?  Docet  autem  hic  locus,  quo  plura  beneficia  in  nos  Deus  contulerit,  eo  atrocius  esse  crimen  si  ab  ipso  deficimus,  et  minus  esse  excusationis  in  malitia  nostra  et  ingratitudine:  praesertim  si  beneficentiam  suam  longo  tempore,  et  variis  modis  erga  nos  prosequutus  sit.  Addit  postea,  M  introduxi  vos,  inquit.  Hic  loquentem  inducit  Deum  ipsum  Ieremias,  quod  scilicet  Deus  quasi  porrecta  manu  miserit  filios  Abrahae  in  possessionem  terrae  promissae.  Neque  enim  sicuti  dicitur  Psal.  44  manu  sua  aut  gladio  acquisierunt  terram  illam.  Tametsi  enim  bellandum  fuit  cum  multis  hostibus,  tamen  Deus  in  omnibus  praeliis  fuit  victor.  Potuit  igitur  vere  dicere,  non  aliter  ingressos  esse  in  terram  illam,  quam  duce  ipso,  quum  iter  aperuit  et  transitum,  et  subegit  ipsorum  hostes,  ac  profligavit,  ut  fruerentur  haereditate  sibi  promissa.  Induxi  vos,  inquit,  in  terram  ^DIDH.  Quidam  proprium  nomen  esse  putant:  et  certe  mons  ipse  Carmel  ideo  sic  vocatur,  quod  esset  admodum  fertilis.  Quum  ergo  nomen  fuerit  monti  impositum  a  foecunditate,  non  mirum  est,  si  Ieremias  conferat  terram  Israel  Carmelo.  Alii  subaudiunt  notam  similitudinis  D,  Induxi  vos  in  terram,  quae  similis  est  Carmelo.  Sed  nihil  opus  est  anxie  torquere  -  prophetae  verba.  Ego  igitur  appellativum  nomen  esse  existimo,  quod  deducti  fuerint  Israelitae  manu  Dei  in  terram  foecundam:  sicuti  ubertas  eius  passim,  et  in  lege  et  in  prophetis  celebratur.  Ut  comederetis  fructum  eius  et  ubertatem  eius,  hoc  est,  volui  vos  frui  largo  et  pingui  terrae  proventu.  His  verbis  significat  Deus,  debuisse  Israelitas  talibus  illecebris  adduci,  ut  ipsum  ex  animo  colerent,  quum  tam  suaviter  ipsos  ad  se  invitaret,  ac  tam  benigne  tractaret  eos.  Quo  igitur  maior  fuit  Dei  liberalitas  erga  populum,  eo  maior  32*