35:502  et  volontaire  envers  nous:  toutes  fois  nous  avons  besoin  qu'en  partie  il  se  monstre  difficile.  Voire  mais  c'est  pour  nous  induire  a  une  meilleure  desplaisance  de  nos  pechez:  car  il  nous  semble  souvent  qu'il  suffist  d'avoir  eu  un  bon  souspir,  comme  on  parle  en  commun  langage,  et  nous  iouons  quasi  avec  Dieu.  La  repentance  nous  doit  rendre  du  tout  confus,  elle  nous  doit  saisir  de  frayeur  quand  nous  cognoissons  l'ire  de  Dieu  qui  est  pour  nous  accabler  du  tout:  nous  ne  pensons  gueres  a  cela,  mais  passons  par  dessus  la  braise,  comme  on  dit.  Pour  ceste  cause  il  nous  est  bon  et  utile  que  nostre  Seigneur  nous  tiene  comme  en  bride  courte,  et  qu'il  nous  monstre  qu'il  y  a  encores  du  mal  qui  est  cache  en  nous,  lequel  nous  devons  mieux  sentir.  Dieu  donc  ne  fait  point  aux  hommes  si  bon  marche  de  sa  misericorde,  afin  qu'ils  soyent  tousiours  plus  humiliez,  et  qu'il  Leur  souviene  des  fautes  qu'ils  ont  commises.  *  C'est  donc  la  raison  pourquoy  en  ce  passage  ii  est  dit,  que  Iob  priera  pour  ceux  qui  avoyent  offense.  Or  cependant  il  n'y  a  nulle  doute,  que  Dieu  tant  par  les  sacrifices,  qu'aussi  en  la  personne  de  Iob,  n'ait  voulu  monstrer  que  les  hommes  ont  besoin  d'avoir  quelque  Moyenneur  qui  leur  donne  accez  a  luy,  et  qu'il  leur  face  trouver  grace:  comme  nous  voyons  en  la  Loy,  que  Dieu  avoit  ordonne  le  Sacrificateur  qui  entrast  luy  seul  au  sanctuaire  au  nom  de  tout  le  peuple,  et  que  les  autres  se  tinssent  loin,  cognois8ans  qu'ils  n'estoyent  pas  dignes  d'approcher  de  la  presence  de  Dieu.  Car  cela  estoit  pour  figurer,  que  sans  un  Moyenneur  qui  entre  a  Dieu  en  nostre  nom,  iamais  il  ne  nous  seroit  licite  de  prier:  et  nous  serions  aussi  reboutez  et  exclus  a  bon  droit.  Or  Iob  a  ici  tenu  la  place  et  office  de  Sacrificateur  quand  il  a  intercede  pour  ses  amis:  car  il  n'a  point  usurpe  cela  de  soy:  c'eust  este  un  orgueil  trop  grand  a  luy.  Il  falloit  qu'il  suppliast  Dieu,  pour  obtenir  pardon,  et  luy-mesme  ne  pouvoit  pas  venir  sans  un  Moyenneur  et  advocat:  comment  donc  eust-il  acquis  grace  pour  tous  les  autres,  sinon  que  Dieu  luy  eust  donne  ceste  charge?  Et  ainsi  Iob  quant  a  cest  acte  est  constitue  de  Dieu  Sacrificateur,  et  il  le  falloit  ainsi:  car,  comme  dit  F  Apostre  (Heb.  5,  4),  nul  ne  doit  usurper  l'honneur,  mais  celuy  qui  aura  este  establi  de  Dieu,  il  est  vray  Sacrificateur  et  legitime.  Comme  Iesus  Christ  mesme,  encores  qu'il  soit  maistre  en  l'Eglise,  32*