32:502  a  un  homme  de  monter  en  chaire,  et  d'usurper  cest  office  de  parler  au  nom  de  Dieu,  sinon  qu'il  fust  bien  exerce  en  l'Escriture  saincte:  mais  tant  y  a  que  iournellement  nous  montons  en  chaire  a  ceste  condition  d'apprendre,  quand  nous  enseignons  les  autres.  Estant  yci,  ie  ne  parle  pas  seulement  afin  qu'on  m'escoute:  mais  il  faut  que  de  mon  coste  ie  soye,  escplier  de  Dieu,  et  que  la  Parole  procedante  de  ma  bouche,  me  profite:  autrement  malheur  sur  moy.  Notons  donc,  que  les  plus  parfaits  en  l'Escriture,  sont  fols  et  outrecuidez,  sinon  qu'ils  cognoissent  qu'ils  ont  besoin  que  Dieu  soit  leur  maistre  d'escole  tout  ie  temps  de  leur  vie,  qu'il  faut  qu'ils  soyent  confermez  de  plus  en  plus,  a  l'exemple  de  David.  Il  est  vray,  que  ces  choses  meriteroyent  bien  d'estre  deduites  plus  au  long,  mais  ie  regarde  a  une  chose,  qu'en  traittant  ce  Pseaume  yci  comme  par  sommaires,  la  memoire  en  soit  mieux  imprimee.  Car,  comme  ie  dy  au  premier  sermon  qui  fut  dimanche  passe,  ce  n'est  pas  sans  cause  que  l'Esprit  de  Dieu  a  voulu  que  ce  Pseaume  fust  compose  selon  les  lettres  de  l'Abc,  afin  qu'il  soit  commun  a.  tous,  autant  que  le  Pater,  comme  on  dit.  Puis  donc  que  nostre  Seigneur  a  voulu  que  ce  Pseaume  nous  fust  familier,  et  propre  a  nostre  usage,  il  est  bon  et  necessaire  aussi  que  l'exposition  en  soit  donnee  pure  et  simple,  que  nous  suyvions  le  fil  du  texte,  tellement  qu'on  cognoisse  quasi  de  mot  a  mot,  tout  ce  qui  est  yci  contenu.  Or  il  reste,  qu'un  chacun  entende  ce  qui  aura  este  expose,  sans  en  attendre  .trop  longue  repetition.  Toutesfois  ie  m'estudieray  tellement  a  brievete,  qu'au  plaisir  de  Dieu  les  choses  ne  seront  point  trop  obscures,  moyennant  qu'on  y  soit  attentif.  Or  il  adiouste,  Tay  raconte  les  iugemens  de  ta  bouche  en  mes  levres.  David  monstre  en  ce  passage,  l'accord  qui  doit  estre  entre  Dieu  et  nous:  ascavoir  que  Dieu  nous  instruise,  et  quand  nous  avons  escoute  ce  qu'il  nous  dit,  qu'un  chacun  responde  Amen,  et  qu'il  y  ait  une  melodie  et  accord  entre  luy  et  nous,  sans  repugnance  ne  contradiction.  Voyla  en  somme  ce  qui  est  signifie  en  ce  verset.  Or  cependant  nous  avons  a  noter  que  David  monstre,  qu'il  ne  se  contente  pas  de  suyvre  Dieu  et  d'adherer  a  luy,  mais  qu'il  tasche  et  demande,  entant  qu'en  luy  est,  d'inciter  aussi  bien  ses  prochains,  et  faire  que  Dieu  soit  servy  d'un  commun  accord  par  tout  le  monde.  Celuy  donc  qui  aura  un  vray  zele  d'honnorer  Dieu,  ne  pensera  point  seulement  a  soy,  mais  il  regardera  par  tout:  et  cerchera  les  moyens  tant  qu'il  luy  sera  possible,  de  redresser  ceux  qui  sont  desbauchez,  d'inciter  ceux  qui  sont  froids  et  nonchalans,  de  fortifier  ceux  qui  sont  debiles,  d'entretenir  ceux  qui  sont  desia  en  bon  train,  et  les  avancer  tant  plus.  Voyla  a  quoy  regardent  tous  fideles.  Car  le  Seigneur  nous  enseigne  a  32*