20:502  (Ex  Tom.  VEL  Opp.  Zanchi  p.  171.)  Ne  mireris,  optime  Be#a,  quod  sero  et  breviter  respondeam  :  mirare  potius  quod  vivam  et  te  adhuc  salutem.  Nam  et  Dominus  e  coelo  nos  mirabiliter  castigat,*)  quanquam  misericorditer,  et  homines  nos  ita  aversantur  et  fugiunt  ut  pauci  audeant  nos  invisere,  nostra  vero  vel  attingere  nemo.  Tandem  tamen  aliquando  quidam  frater2)  ausus  est  quod  nemo  alius.  Per  hunc  igitur  haec  ad  te  paucis.  Quisquis  sum,  Christi  sum,  et  Christo  vivere  et  mori  volo.  Ergo  vel  Clavennae  vel  Lugduni  esse  mihi  perinde  est,  modo  Christo  inserviam.  Quam  libenter  tamen  venissem  Lugdunum,  3)  quum  propter  alias  causas,  tum  praesertim  propter  consortium  et  consuetudinem  piorum  et  doctorum  fratrum,  quos  non  paucos  ibi  novi,  tu  ipse  potes  iudicare.  Amicitia  etiam  mihi  intercedit,  ut  scis,  cum  innumeris  aliis  Gallis,  ut  vere  Gallus  sim.  Annon  Bergomum  in  Gallia  est  Cisalpina?  Sed  quid  agas,  optime  frater?  Dominus  me  huc  vocavit:  qui  possum  ergo  sponte  vocationem  hanc  deserere?  Rogandus  igitur  Dominus  ut  quod  bonum  est  in  oculis  suis  faciat,  neque  mecum  agendum  est  sed  cum  ecclesia.  Tristia  audieram  aliquot  ante  diebus  de  nostro  optimo  patre  Calvino:  sed  quia  nihil  praeterea  aut  scriptum  aut  relatum  ad  me  fuit,  aliquid  speculae  concepi.  Dominus  illum  nobis  servet.  Nam  si  ille  migret  ad  Dominum,  aliquid  irae  Dei  metuo  isti  urbi.  Proinde  rogandus  est  Dominus  ut  talem  pastorem  ne  adhuc  ad  se  rapiat  in  hoc  tempore  calamitoso.  .  .  .  4)  Vale  et  salutato  D.  Calvinum  et  alios  fratres.o)  Tuus  H.  Zanchius.  4214.1)  Pestis  grassabatur  Glavennae  primis  mensibus  a.  1564.  2)  Martinengus  fuisse  videtur,  cuius  exstat  epistola  ad  Z.  d.  d.  a.  d.  VI.  Cal  April  1564.  3)  quo  vocatas  fuerat  plus  semel.  Cf.  ej.  epp.  11  p.  173.  Schmidt  673.  4)  Addit  hic  nonnulla  ad  oppidum  Clavennam  spectantia,  ex  quo  scil  haec  epistola  scripta  est.  5)  Gianib.  Gallizioli^  memorie  istoriche  della  vita  di  6r.  Z.  Berg.  1785,  p.  48:  Giunse  felicemente  in  Chiavenna  1'ultimo  giorno  deli*  anno  1563.  Idem  affirmat  de  Porta  Hist  ref.  eccl  BhaeL  II.  412.  421.  Epistola  nostra  scripta  fuit,  ut  videtur,  ante  N.  4087.  32  ��