7:501  501  CUM  ANTIDOTO.  502  monitos  velim,  quanto  anathematum  profluvio  diffluxerint.  1)  Quod  improbant,  alicubi  Erasmo  excidit:  parum  considerate,  fortassis.  Non  nego.  Quod  si  tamen  ingenuus  adsit  interpres,  correctum  aliquid  in  verbis  cupiet:  hominem  iudicabit  non  satis  in  ecclesiae  gubernatione  exercitatum.  Ad  anathematum  quidem  terrores  nemo  aequus  et  moderatus  prosiliet.2)  DE  CONFIRMATIO^.  In  primum  Canonem.  [pag.  281]  Quia  bisulcum  est  hoc  anathema,  ne  priore  sulco  feriar,  mature  ex  eorum  numero  me  nequaquam  esse  profiteor,  qui  otiosam  confirmationis  caeremoniam  esse  putant,  qualis  sub  papatu  romano  observatur:  utpote,  qui  eam  inter  maxime  exitiales  Satanae  praestigias  numerem.  Meminerimus,  nusquam  in  scriptura  nobis  commendari  quod  fingunt  sacramentum,  neque  hoc  nomine,  neque  hoc  ritu,  neque  hac  significatione.  Nunc  quibus  figmentum  suum  elogiis  ornent,  audiamus.  Sub  nomine  Meltiadis8)  Papae  pronunciant,  spiritum  in  baptismo  dari  ad  innocentiam,  in  confirmatione,  augmentum  ad  gratiam.  Baptismum  sufficere  statim  morituris,  sed  confirmatione  armari  victuros,  ut  agones  sustinere  valeant.4)  Ita  dimidia  pars  efficaciae  a  baptismo  truncatur:  quasi  de  nihilo  dictum  sit,  crucifigi  veterem  hominem  in  baptismo,  ut  in  vitae  novitate  ambulemus  (Rom.  6,  6).  Addunt  praeterea,  quanquam  neutrum  ex  his  duobus  sine  altero  perfici  possit:  confirmationem  tamen  maiori  veneratione  colendam  esse,  quam  baptismum.  Exstat  etiam  decretum  Aurelianensis  concilii:  neminem  debere  existimari  christianum,  qui  non  episcopali  unctione  fuerit  chrismatus.  Digna  enim  sunt  eorum  verba,  [pag.  282]  quae  pueris  quoque  propinentur  in  ludibrium.  Multum  ab  otiosa  caeremonia  differt  sacrilegium,  tam  exsecrandis  blasphemiis  refertum.  De  secundo  membro  quid  aliud  dicam,  nisi  eos  parum  aestimare,  quanti  sua  anathemata  valeant?  Quibus  evomendis  ita  sunt  faciles,  ut  putent  ex  albo  nigrum  protinus  fieri  debere.  Verum  ita  res  habet,  qua  vulgi  admiratione,  vel  potius  quo  stupore  mysteria  sua  hactenus  spectari  viderunt,  eodem  quoque  exceptum  iri  putarunt  quidquid  balbutirent.  Hinc  tanta  confidentia.  Neque  enim  unquam  vel  crassissimi  subulci  iudicio  permittere  ausi  fuissent  suas  insulsitates,  1)  qu'ilz  sont  aussi  aisez  a  faire  couler  leurs  maudissons,  comme  qui  auroit  Ie  flux  de  ventre.  2)  Add.  comme  font  ces  Antechristz.  3)  Sic  scribit  ed.  princeps  quam  sequitur  Gallasius.  Caeteri  Melciadem  vocant,  quae  diversitas  etiam  apud  historicos  occurrit.  4)  De  consecrat  dist.  5.