6:501  KEFORMANDAE  ECCLESIAE.  impleri  vaticinium  illud  oportuit,  ut  domesticis  suis  esset  Christus  lapis  offensionis  et  petra  scandali:  ita  nihil  mirum,  si  nostro  quoque  tempore  verum  sit.  Est  quidem  hoc  habendum  prodigii  loco,  quod  lapidem,  qui  in  fundamento  principatum  tenere  debeat,  reiiciant  architecti  :  sed  quia  hoc  ab  initio  factum  fuit  in  Christo,  ne  miremur,  quum  hodie  quoque  usu  venit.  Hic  tuam  maiestatem  appello,  Caesar,  vestramque  amplitudinem,  Principes,  quum  infausta  haec  ecclesiae  dissipatio,  aliaque  infinita  mala,  quae  ex  dissensione  orta  sunt,  vel  occurrunt  animis  vestris,  vel  sermone  [pag.  82]  hominum  commemorantur,  facite  ut  simul  in  mentem  vobis  veniat,  in  scopum  contradictionis  positum  esse  Christum:  ut  quoties  praedicatur  eius  evangelium,  impiorum  rabiem  accendat  statim  ad  repugnandum.  Iam  ex  conflictu  fieri  concussionem  necesse  est.  Haec  igitur  perpetua  fuit,  usque  a  primo  suo  exortu,  et  semper  erit,  usque  in  finem,  evangelii  conditio:  ut  eius  praedicationem  magnis  contentionibus  excipiat  mundus.  Sed  prudentium  est  animadvertere,  unde  nascatur  huius  mali  causa.  Hoc  quisquis  respiciet,  facile  nos  omni  culpa  liberabit.  Veritati  certe  testimonium  reddere,  sicuti  fecimus  oportuit.  Vae  mundo,  si  Christum  mavult  ad  certamen  provocare,  quam  oblatam  ab  eo  pacem  amplecti.  Frangetur  enim  procul  dubio,  qui  ab  eo  corrigi  non  sustinebit.  At  hic  nobis  rursum  obiicitur,  non  omnia  ecclesiae  vitia  tam  asperis  remediis  corrigenda  esse,  nec  ad  vivum  resecanda,  ac  ne  omnibus  quidem  afferendam  esse  medicinam:  sed  alia  castiganda  esse  leniter,  alia  esse  toleranda,  si  quid  difficultatis  habeat  emendatio.  Respondeo,  non  usque  adeo  imperitos  esse  nos  communis  vitae,  quin  ecclesiam  noverimus  semper  fuisse  obnoxiam  aliquibus  vitiis,  semperque  fore:  quae  piis  improbanda  quidem,  potius  tamen  ferenda  sint,  quam  eorum  causa  hostiliter  dimicandum.  Caeterum,  iniuriam  nobis  faciunt  adversarii,  dum  nimiae  morositatis  nos  accusant,  quasi,  ob  exiguos  levesque  errores,  molestiam  ecclesiae  exhibuerimus,  [pag.  83]  Nam  hanc  quoque  calumniam  ad  alias  adiungunt,  quod  extenuant,  quo  possunt  artificio,  eas  res  do  quibus  controversiam  movimus:  ut  rixandi  magis  libidine  impulsi  videamur,  quam  iusta  causa  adducti  huc  fuisse.  Neque  enim  id  faciunt  ignorantia,  sed  astuto  consilio:  quia  scilicet  noverunt  eiusmodi  importunitate,  qualem  nobis  affingunt,  nihil  esse  odiosius.  Tametsi  suam  quoque  impietatem  in  eo  produnt,  quod  de  rebus  omnium  maximis  ita  contemptim  loquuntur.  Itane  vero?  ut  quum  profanatum  Dei  cultum,  quum  honorem  eius  prorsus  imminutum,  quum  implicatam  multis  perniciosis  erroribus  salutis  doctrinam,  quum  sepultam  esse  Christi  virtutem,  sacra  denique  omnia  sacrilegiis  polluta  conquerimur,  ut  nostram