40:501  501  IN  EZECHIELIS  PROPH.  CAP.  XX.  502  An,  inquit,  ego  inquirar  a  vobis?  Nam  t&m  significat  utrumque,  significat  quaerere,  significat  etiam  assequi,  et  quum  respondet  ille  quem  rogamus,  et  quum  se  offert  ille  quem  quaerimus.  Sed  hic  simpliciter  ostendit  Deus,  eos  non  venire  recto  animo,  et  nihil  minus  illis  esse  propositum,  quam  ut  ipsum  quaerant.  Quia  autem  illud  erat  quasi  incredibile,  ideo  iurat,  in  ipsis  nihil  esse  praeter  meram  fallaciam,  quia  utcunque  obtendant  veram  pietatem  dum  suppliciter  rogant  prophetam  ut  placide  respondeat  Dei  nomine,  tamen  proterve  irrident,  ac  impie  et  scelerate  obtendunt  eius  nomen,  et  hoc  modo  profanant.  32.  Et  adscendit  (subaudiendum  tamen  est  relativum,  quod  adscendit)  super  spiritum  vestrum  non  erit,  quia  vos  dixistis  (dicitis,  est  participium),  Erimus  sicut  gentes,  sicut  familiae  terrarum,  ut  serviamus  ligno  et  lapidi.  33.  Vivo  ego,  dicit  dominator  Iehovah,  Si  non  in  manu  robusta  et  brachio  extento,  et  excandescentia  effusa  dominabor  super  vos.  Iam  detegit  Deus  quid  habuerint  in  animo  tam  senes  illi,  qui  praetextu  sciscitandi  venerant  ad  prophetam,  quam  omnes  captivi,  nempe  ita  desponderant  animos,  ut  nihil  sibi  putarent  esse  utilius,  quam  prorsus  deficere  a  Deo,  et  sese  formare  ad  mores  et  ritus  gentium  videbant  enim  se  ideo  praecipue  exosos  profanis  gentibus,  quod  colerent  peculiarem  Deum.  Quoniam  itaque  lex  separabat  illos  a  toto  orbe  reliquo,  ut  effugerent  odium  iliud  et  invidiam,  agitabant  perversum  consilium,  nempe  ut  relicto  Deo  et  eius  cultu  transirent  ad  gentes.  Ita  enim  futurum  sperabant,  ut  propitios  se  ostenderent  qui  prius  fuerant  infesti.  Nunc  non  solum  pronuntiat  Deus  id  se  non  passurum,  sed  iureiurando  asserit  :  non  fiet,  inquit,  quod  cogitatis,  quia  retraham  vos  in  manu  robusta,  et  brachio  extento  et  effusa  excandescentia.  Summa  est,  quamvis  miseri  illi  exsules  cuperent  excutere  Dei  iugum,  et  se  miscere  profanis  gentibus,  ut  essent  aliis  similes:  tamen  Deum  habiturum  rationem  sui  foederis,  ut  eos  non  patiatur  sibi  eripi  :  quemadmodum  si  quis  dominus  retrahat  servum  fugitivum:  vel  si  quis  princeps,  ubi  posset  delere  perfidos  et  rebelles,  sic  tamen  eos  castigat,  ut  gemant  sub  dura  servitute  :  haec  summa  est.  Locus  autem  hic  dignus  est  observatu,  quia  multos  hodie  sollicitat  eadem  cogitatio.  Vident  enim  odiosum  esse  nomen  sincerae  pietatis.  Itaque  ut  otio  suo  consulant,  iactant  multo  sibi  et  aliis  fore  satius,  si  se  reliquis  coniungant,  neque  ob  religionis  discrimen  concitent  in  se  multorum  odia.  Alii  quia  sentiunt  Deum  sibi  infestum,  cuperent  se  quovis  modo  emancipare.  Videtur  enim  illis  ecclesiae  conditio  multo  deterior,  quam  totius  mundi.  Et  certe