39:501  501  IN  IEREMIAM.  CAP.  LII.  502  tempore  opportuno  suum  effectum.  Quare?  quia  Deus  verax  est.  Emphatice  ergo  sumi  debet  nomen  Iehovae:  Et  dices,  Iehovah,  tu  loquutus  es  contra  locum  hunc,  hoc  est,  neque  Ieremias,  neque  quisquam  mortalium  autor  est  huius  vaticinii:  sed  tu  es,  Domine,  qui  dictasti  servo  tuo  quidquid  comprehenditur  in  hoc  volumine.  Ut  ipsum  perdas,  ita  ut  non  sit  habitator  in  eo,  ab  homine  usque  ad  bestiam.  Quare?  quoniam  redigetur  in  solitudines  vel  adversative  potest  sumi  particula  O,  sed  redigetur  in  solitudines  perpetuas.  Postea  adiungit,  Et  quum  feceris  legendi  finem,  ligabis  ad  librum  lapidem,  inquit,  et  proiicies  in  Euphratem,  et  dices,  Sic  mergetur  Babylon.  Hic  additur  externum  symbolum  ad  confirmationem  Seraiae.  Quanquam  tenendum  est  hoc  non  fuisse  dictum  uni  Seraiae  in  eius  gratiam,  sed  ut  deinde  populus  sciret  legatum  regis,  qui  missus  fuerat  causa  adulandi,  fuisse  Dei  legatum,  et  ipsius  prophetae,  qui  alioqui  erat  contemptibilis  in  populo.  Quum  ergo  hoc  scirent  fideles,  non  vulgari  modo  confirmati  sunt  in  doctrina  prophetica.  Non  ergo  uni  Seraiae  consuluit  Ieremias,  sed  piis  omnibus.  Quanquam  enim  hoc  fuerit  incognitum  longo  tempore,  tamen  postea  legatus  ipse  confessus  est  sibi  datum  fuisse  illud  mandatum  a  Ieremia,  et  se  librum  tulisse,  proiecisse  in  Euphratem.  Haec  igitur  fuit  piis  omnibus  data  confirmatio.  Quantum  ad  symbola  pertinet  quibus  obsignavit  olim  Deus  prophetias,  alibi  dictum  fuit:  levius  itaque  nunc  praetereo.  Uno  tantum  verbo  tenendum  est,  signa  haec  fuisse  temporalia  sacramenta.  Nam  sacramenta  ordinaria  habent  usum  perpetuum  apud  fideles,  sicuti  sacra  coena  et  baptismus.  Sed  hoc  signum  fuit  temporale,  ad  specialem  actum,  ut  loquuntur:  interea  habuit  vim  et  rationem  sacramenti,  quantum  attinet  ad  usum  et  confirmationem  huius  prophetiae.  Seraiah  ergo  iussus  est  alligare  lapidem  libro,  deinde,  proiicere  in  Euphratem.  Qu  a  r  e  ?  ne  scilicet  volumen  nataret  in  superficie  fluvii,  sed  in  profundum  usque  demergeretur.  Et  sequitur  applicatio,  Dices.  Videmus  ut  semper  coniungi  debeant  verba  cum  signis.  Unde  colligitur  fatuitas  papistarum,  qui  multas  caeremonias  usurpant,  sed  absque  intelligentia.  Sunt  autem  res  mortuae  et  evanidae,  quaecunque  signa  sibi  confingant  homines,  nisi  accedat  sermo  Dei.  Dices  igitur,  Sic  mergetur  Babylon,  et  non  resurget  a  facie  mali  quod  ego  immitto  contra  eam.  Denique  iussus  est  Seraiah  tanquam  prophetae  ipsius  nuntius,  vaticinari  de  excidio  Babylonis  apud  se,  sed  in  gratiam  piorum  omnium,  qui  postea  edocti  sunt  quid  actum  esset.  Sequitur  clausula,  Huc  usque  sermones  Ieremiae.  Diximus  autem  prophetas  quum  verba  fecissent  in  templo,  vel  ad  populum,  collegisse  breves  summas;  deinde  fuisse  illa  capita  proposita:  hinc  confecti  sunt  libri  prophetici.  Neque  enim  scripsit  Ieremias  volumen  quod  hodie  habemus,  nisi