35:501  501  IOB  CHAP.  XLII.  502  LE  CENT  CINQUAOTENEIJFIEME  SERMON,  QUI  EST  LE  III.  SUR  LE  XLII.  CHAPITRE.  Ce  sermon  est  encores  sur  le  verset  8  et  sur  le  texte  ici  adiouste.  9.  Eliphas  donc  Themanite,  et  Baldad  Suhite,  et  Sophar  Naamathite  vindrent,  et  firent  selon  que  Dieu  avoit  commande:  et  le  Seigneur  receut  la  face  de  Iob.  10.  Et  le  Seigneur  convertit  la  captivite  de  Iob  quand  il  prioit  pour  ses  amis,  et  benit  V  estat  dernier  de  Iob  plus  que  le  premier,  ll.  Et  tous  ses  freres,  et  toutes  ses  soeurs  vindrent  vers  lui,  et  tous  ceu��  qui  l'avoyent  cognu  auparavant:  et  manger  ent  avec  luy  en  sa  maison,  et  eurent  compassion  de  luy,    le  consolerent  de  tout  le  mal  que  le  Seigneur  avoit  fait  venir  sur  luy:  et  receut  d'un  chacun  d'eux  une  piece  d'argent,  et  d'un  chacun  un  ornement  $or.  12.  Et  le  Seigneur  benit  Vestat  dernier  de  Iob  plus  que  le  premier,  tellement  qu'il  eut  quatorze  mille  bestes  blanches,  et  six  mille  chameaux,  et  mille  couples  de  boeufs,  et  mille  asnesses.  13.  Il  eut  aussi  sept  fils,  et  trois  filles.  14.  Et  appella  le  nom  de  Vune  Iemima:  et  le  nom  de  l'autre  Kezia,  ei  le  nom  de  la  troisieme  Keren-hapuc.  15.  Et  ne  s'est  point  trouve  de  pius  belles  femmes  en  tout  le  pays,  que  les  filles  de  Iob:  et  leur  pere  leur  donna  heritage  entre  leurs  freres.  16.  Et  Iob  apres  ces  choses  vesquit  cent  et  quarante  ans,  et  vit  ses  fils,  et  les  fils  de  ses  enfans  iusques  en  la  quatre  generation,  ll.  Et  mourut  aage,  et  rassasie  de  iours.  Nous  avons  veu  comme  Dieu  en  redarguant  les  amis  de  Iob,  ne  les  vouloit  pas  mettre  en  desespoir,  mais  les  appelloit  a  repentance,  protestant  de  les  exaucer,  et  d'avoir  pitie  d'eux.  Et  voila  les  corrections  qui  nous  sont  profitables,  quand  Dieu  ne  nous  ferme  point  la  porte,  mais  nous  monstre  qu'il  est  prest  de  nous  recevoir  a  merci.  Car  autrement  que  gaignerons-nous  d'estre  convaincus  de  nos  pechez?  Il  faudra  que  nous  soyons  abysmez  en  desespoir  si  nous  n'apprehendons  la  misericorde  de  Dieu:  et  ainsi  iamais  nous  ne  serions  touchez  d'une  vraye  affection  pour  nous  repentir  du  mal:  mais  plustost  serions  endurcis  pour  ronger  nostre  frain,  et  n'y  auroit  nulle  correction  en  nous.  Notons  bien  donc  que  Dieu  fait  une  grace  singuliere  aux  hommes  quand  apres  leur  avoir  fait  sentir  leur  mal,  toutes  fois  il  leur  monstre  qu'ils  obtiendront  grace  quand  ils  la  cercheront.  Or  cependant  nous  avons  veu  aussi,  que  Dieu  commandoit  a  ces  gens-la  d'amener  leurs  sacrifices  a  Iob  afin  qu'il  priast  pour  eux:  et  c'estoit  pour  les  humilier.  Car  combien  que  Dieu  se  monstre  benin