32:501  501  SCJR  LE  PSEAUME  CXIX.  502  tu  es  benit,  enseigne-moy  tes  statuts.  En  ce  verset  David  monstre,  que  ceste  requeste  qu'il  a  faite  cy  dessus,  n'est  pas  fondee  sur  quelque  merite  qu'il  pretend  d'avoir.  11  est  vray  que  de  prime  face  on  pourroit  dire,  que  David  entend,  que  Dieu  ne  le  laissera  point,  d'autant  qu'il  l'a  cerche,  et  de  la  conclurre  qu'il  faut  dqnc  que  l'homme  alle  devant,  et  qu'il  anticipe  la  grace  de  Dieu,  et  puis  Dieu  aidera.  Voyla  qu'on  pourroit  penser,  mais  ce  n'est  pas  l'intention  de  David.  Et  qu'ainsi  soit,  il  est  bien  certain  qu'il  n'attribue  point  a  sa  vertu  propre  d'avoir  cerche  Dieu  en  son  coeur:  car  desia  il  faut  que  nous  soyons  touchez  de  l'Esprit  de  Dieu,  quand  nous  avons  une  telle  affection.  Et  pourquoy?  De  nature  nous  sommes  destournez  de  Dieu,  et"  toutes  nos  forces,  toutes  nos  puissances,  toutes  nos  estudes  tendent  a  nous  aliener  de  luy.  Ainsi  il  faut  qu'il  nous  attire  a  soy,  comme  il  le  declaire  en  beaucoup  de  lieux  de  l'Escriture.  David  donc  avoit  desia  este  prevenu  de  la  grace  de  Dieu,  seulement  il  demande  a  Dieu  qu'il  continue  ce  qu'il  a  commence,  comme  il  cognoit  bien  qu'il  en  a  besoin.  Comme  s'il  disoit,  Seigneur  ie  cognoy  que  desia  tu  as  besongne  en  moy  puissamment  par  ton  sainct  Esprit,  quand  ie  t'ay  cerche:  or  ie  ne  l'ay  pas  fait,  sinon  estant  conduit  par  ta  main,  mais  ce  n'est  pas  tout,  sinon  que  tu  perseveres:  et  quand  tu  le  feras,  Seigneur,  c'est  pour  t'en  attribuer  toute  la  louange,  d'autant  que  tu  l'auras  fait  par  ta  pure  grace.  Par  cela  donc  nous  voyons,  que  David  ne  s'est  point  voulu  yci  magnifier  comme  estant  enfle  en  ses  vertus  et  merites:  mais  d'autant  que  Dieu  merite  d'estre  benit  et  exalte,  a  ce  que  nous  luy  rendions  toute  gloire,  voyla  pourquoy  il  s'asseure  qu'il  sera  enseigne  de  luy,  qu'il  sera  conferme  de  plus  en  plus  en  la  doctrine  qu'il  avoit  desia  apprinse.  Car  quand  il  dit,  Enseigne-moy  en  tes  Status,  ce  n'est  pas  qu'il  fust  rude  et  ignorant  du  tout,  qu'il  fust  un  no  vice,  luy  qui  estoit  Prophete,  qui  avoit  la  charge  d'enseigner  les  autres,  qui  estoit  Roy.  David  donc  ne  parle  point  comme  ignorant:  mais  il  cognoit  bien  que  ce  n'est  point  encores  assez  de  tout  cela,  sinon  qu'il  profite  de  plus  en  plus.  Or  si  David  a  parle  ainsi,  ie  vous  prie  que  devonsnous  faire?  quand  donc  nous  voudrons  obtenir  ceste  grace  de  Dieu  qu'il  nous  instruise  en  ses  statuts,  ameoons-luy  ceste  raison,  et  que  nous  y  soyons  fondez,  c'est  ascavoir,  qu'il  est  benit  et  louable.  Et  sur  tout  cognoissons  la  necessite  que  nous  avons  de  cela:  c'est  que  combien  que  desia  nous  ayons  este  enseignez  en  l'Escriture  saincte,  qu'il  faut  que  nous  soyons  escoliers  iusques  en  la  fin,  et  que  nous  prions  Dieu  qu'il  nous  donne  accroissement  de  foy  de  iour  en  iour:  ie  dy  mesme  ceux  qui  sont  constituez  pour  annoncer  la  Parole.  Il  est  vray  que  ce  seroit  une  trop  grande  presomption