20:501  501  SUPPLEMENTUM.  502  palam  clamitet,  mihi  profecto  supervacaneum  fuerit  laudibus  tuis  recensendis  diutius  hic  immorari.  Quas  etsi  iure  tibi  tribuam  tamen  (quae  tua  est  modestia)  vix  possis  agnoscere.  Quod  vero  me  hortaris  ad  constantiam,  facis  tu  quidem  prudenter,  et  ut  eum  decet  qui  in  propaganda  Christi  doctrina  nullum  omnino  locum  sibi  praetermittendum  esse  putet.  Video  enim  te  omni  cura,  studio,  labore,  cognitione  in  hoc  studium  incumbere,  ut  regni  Christi  pomoeria  quam  latissime  promoveas.  Itaque  Deum  opt.  max.  oro  atque  obtestor  ut  quod  tanto  studio  facis  perpetuo  facias.  De  me  dicam  quod  sentio:  quod  utinam  minus  vere  dicere  possim:  adeo  me  parum  strenuum  esse  militem  ut  me  plurimum  pudeat  ignaviae.  Verum  in  me  dum  tento  descendere  sentio  quid  possint  humeri  quid  ferre  recusent.  Erit  fortasse,  quum  Dominus  mihi  suppeditabit  vires,  ut  par  esse  queam  ferendo  oneri.  Militiam  certe  ut  in  praesentia  detrectem,  facit  tum  haec  nimia  infirmitas,  tum  plurimorum  lapsus,  qui  mihi  visi  sunt  parum  se  suo  pede  metiri.  Horum  vestigia  me  non  parum  terrent.  Dominum  oro  ut  me  pro  sua  immensa  bonitate  respiciat,  suo  sancto  spiritu  afflet,  ac  ita  corroboret  ut  in  stadii  cursu  non  postremus  esse  videar.  Interim  faciam  quod  pie  mones:  in  statione  subsistam,  nec  ordinem  deseram.  Qui  sit  hic  rerum  nostrarum  status,  partim  iam  ex  D��  Antesignani)  fratre  nostro  cognovisti,  partim  nunc  ex  eodem  liquidius  poteris  cognoscere.  De  tua  valetudine  hic  omnes  pii  laborant.  Quare  te  etiam  atque  etiam  rogo  ut  valetudini  servias.  Magni  enim  nostra  totiusque  ecclesiae  interest  ut  te  pristinae  valetudini  restitutum  quam  diutissime  serves  incolumem.  Vale,  pastor  vigilantissime.  D.  Bezam  totumque  sanctorum  gregem  salutabis.  Tuus  ex  animo  Iohannes  Boulierius.*)  4214.  ZANCUS  BEZAE.  Lugduno  praeterito  Clavennae  sedem  fixit  ubi  vel  invito  coelo  et  inter  hostiles  hominum  animos  stare  mavult  quam  alibi  sua  quiete  frui.  4213.1)  Habuimus  aliquem  Io  Bouher  dit  La  Boche  ministrum  in  Vandoeuvre  et  Cologny  1560  (N.  3414,  not.  3).  lam  videtur  longius  a  Geneva  abesse,  fortassis  in  Galliam  vocatus^  et  quod  de  Calvini  valetudine  dicit  et  Beza  Genevae  commorante  nos  ad  a.  1563  epistolam  referre  cogunt.