9:500  Quin  etiam  carminibus  nos  oppugnat  Heshusius.  Nam  quia  Gregorius  Nazianzenus  poetico  stylo  exsultans  dicit  sacerdotes  manibus  ge&tare  magni  plasma  Dei,  audacter  colligit  panem  proprie  esse  corpus  Christi.  Ego  autem,  quod  sanis  omnibus  probatum  iri  confido,  simpliciter  respondeo  :  non  aliud  voluisse  Gregorium,  quam  quod  paulo  familiarius  exprimit  Augustinus,  ubi  de  Christo  loquens  panem  discipulis  porrigente,  Ferebat  se,  inquit,  quodammodo  manibus  suis  :  qua  particula  nodus  optime  solvitur.  Nam  quod  in  sermone  de  Paschate  dicit:  Ne  impie  hallucineris  sanguinem  Dei  et  passionem  audiens  et  mortem,  sed  confidenter  ede  corpus  et  bibe  sanguinem,  si  vitam  expetis,  insipide  ab  Heshusio  torquetur  m  alienum  sensum:  quando  non  illic  de  coenae  mysterio  sermo  habetur,  sed  de  incarnatione  et  morte.  Etsi  non  infitior  Gregorium  in  verbis  edendi  et  bibendi,  quibus  tamen  fidem  commendat,  ad  coenam  alludere.  De  Hieronymo  quid  attinet  plura  dicere?  Citatur  ab  Heshusio  locus,  ubi  dicit  panem  esse  corpus  Christi.  Ego  autem  plus  largior.  Scribit  enim  ad  Heliodorum  clericos  conficere  Christi  corpus.  Alibi  etiam,  distribuere  plebi  eius  sanguinem.1)  Tantum  quaeritur  quo  sensu.  Si  addatur  particula,  In  mysterio,  an  non  dirempta  erit  controversia:  quando  In  mysterio,  et  Corporaliter,  antitheta  esse  constat  ?  Hac  exceptione  expressa  quum  omnem  scrupulum  tollat  Hieronymus,  quid  sophistice  cavillari  iuvat?  Fateor  etiam  alibi  Hieronymum  tradere,  sceleratos  indigne  comedere  corpus  Christi:  sed  quum  addit  hoc  modo  illud  polluere,  cur  in  scirpo  nodus  [pag.  65]  quaeretur?  Nisi  forte  impiorum  libidini  Christum  ita  subiiciat  Heshusius,  ut  sanctam  et  puram  eius  carnem  sua  contagione  inficiant.  Atqui  Hieronymus  aperte  exponit,  corpus  Christi,  ubi  impure  tractatur,  esse  panem  pollutum.  Verum  alibi  clarius  :  negat  enim  aperte  impios  comedere  carnem  Christi,  aut  bibere  sanguinem  eius.2)  Similiter  cap.  9  in  Oseam:  Impii  multas  immolant  hostias,  et  comedunt  carnes  earum,  unam  Christi  hostiam  deserentes,  nec  comedentes  eius  carnem,  cuius  caro  cibus  credentium  est.  Quid  iam  pueriliter  in  voce  cavillari  libet,  ubi  tam  dilucida  ingeritur  rei  explicatio  ?  Et  sane  quidquid  hactenus  garrivit  hic  sophista,  in  brevem  syllogismum  concludere  licet:  Quidquid  vocatur  Christi  corpus,  substantialiter  et  re  ipsa  est  corpus:  Panem  sacrae  coenae  Irenaeus,  Tertullianus,  Cyprianus,  Iustinus,  Ambrosius,  Hieronymus,  Augustinus  et  alii  complures  vocant  corpus  Christi:  Ergo  panis  coenae  substantialiter  et  re  ipsa  corpus  Christi  est  1)  In  Malachiam  cap.  1.  2)  In  Isaiam  cap.  66.