8:500  ac  potius  quam  profundum  labyrinthum  ingrediar.  Sed  idem,  ut  opinor,  quod  in  ipsa  causae  actione  sequuti  sumus,  compendium  tenere  utile  erit  :  nempe  ut  lectores,  genere  ipso  doctrinae,  ut  certis  capitibus  distinctum  erit,  notato,  monstrum  non  minus  detestabile  quam  multiforme  in  eius  libris  contineri  agnoscant.  Quum  varie  diuque  verbis  certatum  foret,  ac  subinde  querimoniam  illam  repeteret,  non  decere  pietatis  causas  in  carcere  tractari  :1)  respondi  quod  verum  erat  et  initio  praefatus  eram,  nihil  mihi  fore  gratius  quam  si  in  templo  et  toto  populo  audiente  disceptaretur:  nec  vero  esse  causam  cur  lucem  et  conspectum  eius  theatri  fugerem,  ubi  causa  plausibilis  non  adversis  auribus  tuenda  foret.  Deinde  quum  ille  provocaret  ad  alias  ecclesias,  libenter  a  me  haec  quoque  conditio  suscepta  fuit.  Itaque  clarissimus  Senatus  noster  finem  ambagibus  facere  volens,  decrevit  ut  propositiones  excerperem  ex  Serveti  ipsius  libris,  quae  ei  scriptae  darentur.  Eodem  senatusconsulto  permissum  illi  est  ut  retractaret  si  quid  videret  a  se  non  recte  scriptum:  si  quid  vero  deprehenderet  male  a  nobis  detortum,  refutaret:  si  quid  iniuste  putaret  damnatum,  ex  verbo  [pag.  64]  Dei  defenderet.  Ego,2)  ne  ultra  modum  prolixus  forem,  certa  quaedam  capita  ad  verbum  transscripsi.  Habuit  ille  quantum  voluit  temporis  ad  respondendum:  nobis  non  plus  biduo  datum  est.3)  Porro  quia  causam  suam  sperabat  magis  fore  plausibilem,  si  postremas  haberet  loquendi  partes  :  rursus  supplici  libello  hoc  sibi  dari  petiit,  ac  impetravit.  Quamvis  autem  minime  eum  lateret,  de  capite  suo  agi  :  quia  consulebantur  vicinae  ecclesiae,  ex  quarum  responso  pendebat  grave  praeiudicium:  quam  secure  tamen  cavillatus  sit,  videbunt  lectores.  Quos,  ne  quid  forte  suspectum  habeant,  monitos  volo,  nihil  a  me  hic  positum,  quod  non  in  acta  publica  relatum  et  legitime  consignatum  sit.  1)  de  traicter  devant  la  iustice  terrienne  et  mesmes  en  prison  les  affaires  de  la  Chrestiente.  2)  Ie  sei  incontinent  ce  qui  m'estoit  ordonne,  et  afin  de  ne  point  ennuyer  les  Iuges  par  ma  longueur  ie  mei  seulement  en  avant  trente-huict  articles.  3)  il  me  falut  repliquer  en  deux  iours  contre  ce  qu'il  avoit  respondu.