7:500  [pag.  279]  demonstraverint,  non  recusabimus,  quin  suis  nos  legibus  adstringant.  Sed  quamdiu  hoc  constabit,  Deum  regendas  verbo  suo  piorum  conscientias  sumpsisse,  atque  hoc  sibi  imperium  ubique  vindicare:  statuere  tuto  simul  licebit,  non  esse  sanctam  ecclesiam,  quae  illaqueare  conscientias  tentabit  aliis  legibus.!)  In  IX.  Principio  illud  constituendum  erat,  quaenam  sint  vota  legitima.  Quo  posito  nihil  aut  parum  restaret  controversiae.  Nunc  autem  vota,  quorum  laqueis  induuntur,  vel  potius  strangulantur  miserae  animae,  non  modo  superstitione  plena  sunt,  sed  etiam  a  recta  christianae  vitae  regula  prorsus  dissident.  Quare  ut  ratum  sit  votum  aliquod,  ad  baptismi  professionem  exigi  oportet.  Quod  si  fiat,  nullum  ex  votis  in  papatu  hodie  usitatis  non  erit  irritum.  In  X.  Qui  sola  baptismi  recordatione  deleri  peccata  tradunt,  non  nudam  ipsam  aut  frigidam  intelligunt,  sed  cum  fide  ac  poenitentia  coniunctam.  Qualis  est  prima  quoque  baptismi  cognitio.2)  Neque  enim  tantum  in  mentem  nobis  venire  debet  aquae  aspersio:  sed  potius  spiritualis  veritas,  quae  bonae  conscientiae  fiduciam  parit  ex  Christi  resurrectione:  quemadmodum  loquitur  Petrus  (1  Petr.  3,  21).  Eiusmodi,  inquam,  recordatio,  non  venialia  modo  peccata  facit,  sed  prorsus  obliterat:  nam  [pag.  280]  quoties  de  peccatorum  remissione  quaeritur,  ad  baptismum  confugiendum  est,  ut  inde  petamus  eius  confirmationem.  Quemadmodum  enim  quotidianis  evangelii  promissionibus  nos  sibi  Deus  reconciliat,  ita  huius,  quae  quotidie  repetitur  usque  ad  vitae  finem,  reconciliationis  fidem  et  certitudinem  baptismo  nobis  obsignat.  Semel  quidem  sumus  baptisati:  sed  est  perpetuum  veniae  et  gratuitae  in  Christo  propitiationis  testimonium.  Quid  venerandi  patres?  Ex  tritis  sophistarum  rhapsodiis,  baptismi  promissiones  in  praeteritum  tempus  restringunt:  simul  atque  peccaverit  quispiam,  sepulta  baptismi  memoria,  iubent  in  fictitio  poenitentiae  sacramento  acquiescere.  Quasi  vero  non  ipse  baptismus  proprium  esset  poenitentiae  sacramentum.  Et  adhuc  iactabunt,  penes  se  sanam  de  baptismo  esse  doctrinam:  quum  totam  eius  vim  momentanea  et  evanida  gratiae  promissione  includant.  Proximis  tribus  capitibus  non  invitus  subscribo.  In  quarto  eatenus  illis  assentior,  ut  lectores  interea  1)  Add.  ains  une  synagogue  rebelle.  2)  Car  on  ne  se  peut  pas  souvenir  du  Baptesme  qu'en  l'ayant  cogneu,  et  on  ne  le  cognoit  pas  deuement  sans  sa  vertu.