5:500  ecclesia,  quis  erit  concilii  usus?  Imo  facile  persuadebit  esse  nimis  periculosum  tranquillo  et  composito  orbe  concilium  cogere,  cuius  finis  possit  esse  turbulentus;  item  esse  longa  experientia  compertum,  solere  concilia  magis  concutere  ecclesias  quam  pacificare:  et  quae  in  eam  sententiam  dici  poterunt.  Quod  si  crassiorem  fumum  offundere  oportuerit,  non  est  tam  difficile  bullam  unam  indictoriam  conscribere.  Indictione  facta  hoc  praecipue  agetur  ut  se  adfuturos  spondeant  protestantes  et  patrum  sententiae  [fol.  41]  staturos.  Ipse  vero  non  tam  stupidos  esse  credit,  ut  indicta  causa  sponte  cessuri  sint,  ut  suspensam  esse  velint  Christi  causam  ab  eorum  nutu,  quos  norunt  diabolico  furore  in  evangelium  x  ardere,  seque  permissos  eorum  libidini,  quos  tot  annis  crudelissimos  hostes  experti  sunt.  Nam  hoc  etiam  diserte  admonet,  armis  esse  cogendos  ut  se  iudicio  sistant,  quia  aliter  non  sint  facturi.  Et  sperat  hac  parte  iudicium  camerae  sibi  minime  defuturum,  cuius  sancti  Areopagitae  et  magna  ex  parte  sunt  illi  autorati  et  fideliter  operam  suam  illi  impenderunt.  Nam  si  rebus  minus  ad  tumultum  comparatis,  clarigationibus  tamen  et  proscriptionibus  tam  cupide  fulgurarunt,  quae  non  fulmina  tunc  iacularentur,  quum  armatas  manus  ad  exsequendam  suam  crudelitatem  cernerent?  Armis  semel  sumptis,  aut  funditus  exscindentur  protestantes,  aut  aliqua  insigni  clade  frangentur,  aut  metu  domiti  in  voluntariam  servitutem  se  dabunt:  quidquid  acciderit,  cur  frustra  tot  venerabiles  praelati  fatigarentur,  ut  undique  in  unum  locum  convenirent?  Cur  tot  sumptibus  supervacuis  gravarentur?  satis  enim  scitur  quanto  viatico  instructos  venire  oporteat,  qui  tantum  ^  satellitium  secum  trahunt,  tanto  splendore,  tantis'lautitiis  triumphantis  ecclesiae  dignitatem  sustinent.  Et  fortasse  aliqua  ex  parte  exhausti  conferendis  belli  impendiis  erunt.  Hac  igitur  determinatione  fmietur  concilium,  quando  nec  minus  impedire  ne  conveniat  in  pontificis  manu  est,  quam  non  vocare,  et  si  convenerit  tam  facile  poterit  abrumpere,  quam  alias  factum  esse  notum  est.  Quantum  vero  ad  imminens  periculum  turcicum  spectat  reverendissimus  dominus  legatus  inprimis  {ut  saepius  ex  mandato  sanctitatis  suae  fecit)  non  cessat  hoc  caesareae  maiestati  cum  omni  affectu  repetere,  ut  pax  primum  cum  christianissimo  regi  Gallorum  concludatur;  ab  ista  enim  salus  pendet  reipublicae  christianae.  Nam  si  illa  non  concluderetur  (quod  Deus  avertat  et  quod  tamen  non  speratur)  dubium  est  an  concordes  vires  totius  christianitatis  possent  viribus  illius  potentissimi  hostis  resistere,  quum  domini  non  plena  [fol.  42]  adeo  esset  securitas,  sed  huius  pacis  utilitatem  multifariam  ideo  nunc  explicare  minime  est  necessarium,  quum  saepius  de  ea  actum  sit  cum  caesarea  maiestate.