35:500  temps.  Or  combien  que  nous  ne  puissions  pas  deduire  tout  ce  qui  est  ici  dit  touchant  les  sacrifices:  si  faut-il  en  un  mot  noter,  que  de  tout  temps  Dieu  n'a  point  receu  les  hommes  a  misericorde  qu'avec  sacrifices:  pour  signifier  que  quand  nous  voudrons  obtenir  pardon  de  nos  pechez,  il  faut  avoir  ceste  adresse  du  sacrifice  qui  a  este  une  fois  offert  pour  nostre  redemption.  Car  cependant  que  Iesus  Christ  ne  sera  point  au  milieu  de  Dieu  et  de  nous,  il  faut  que  nons  demeurions  maudits,  perdus,  et  desesperez.  Voila  Dieu  qui  se  declare  ennemi  du  peche:  comme  il  est  la  fontaine  de  toute  iustice.  Or  le  peche  habite  en  nous  :  il  faut  donc  que  Dieu  ftous  declare  une  guerre  ouverte,  et  que  sa  vengeance  repose  sur  nous,  qu'elle  y  ait  sa  demeure  perpetuelle:  et  n'y  a  autre  moyen  d'en  eschapper,  sinon  que  aous  ayons  recours  a  ce  sacrifice  par  lequel  nous  avons  este  une  fois  reconciliez  a  luy.  Et  ainsi  notons  que  tant  moins  sommes  nous  auiourd'huy  excusables,  apres  que  Iesus  Christ  a  souffert  mort  et  passion,  si  nous  cuidons  estre  absous  devant  Dieu  par  autre  moyen,  que  par  ceste  purgation  qui  a  este  faite,  et  d'autant  qu'il  a  satisfait  pour  nous,  afin  de  nous  acquitter  de  la  condamnation  de  mort  en  laquelle  nous  estions.  Si  donc  nous  cerchons  d'obtenir  misericorde  (comme  nous  en  avons  besoin,  et  c'est  le  seul  moyen  d'approcher  de  Dieu)  il  faut  que  nous  ayons  tousiours  en  memoire  la  mort  et  passion  de  nostre  Seigneur  Iesus  Christ,  qui  est  le  sacrifice  de  nostre  redemption  et  appointement.  Quand  nous  y  procederons  ainsi,  ne  doutons  point  que  nostre  Seigneur,  puis  qu'il  s'est  declare  pitoyable  envers  ceux  qui  Tont  offense  du  temps  des  figures  de  la  Loy,  voire  et  qu'il  a  estendu  "sa  misericorde  a  ceux  qui  n'estoyent  point  du  corps  de  son  peuple:  ne  nous  recoive  auiourd'huy,  puis  que  l'Evangile  est  publie  par  tout  le  monde,  qu'il  a  fait  une  alliance  commune  avec  les  Payens  et  les  Iuifs,  qu'il  n'y  a  plus  de  paroy  pour  discerner  entre  les  uns  et  les  autres:  ne  doutons  point,  di-ie,  qu'ayans  nostre  recours  a  Dieu  par  le  moyen  de  ce  sacrifice,  il  ne  vienne  au  devant  de  nous,  afin  qu'ayans  obtenu  grace  de  lui  nous  soyons  asseurez  de  nostre  salut.  Or  nous-nous  prosternerons  devant  la  face  de  nostre  bon  Dieu,  etc.