9:50  habenda  ratio  est.  Quidquid  enim  in  contrariam  partem  blateret,  in  hunc  fidei  consensum,  ex  misera  papatus  dissipatione  non  humanitus  nos  coaluisse  certum  est.  De  unico  Deo  veroque  et  legitimo  eius  cultu,  de  generis  humani  corruptione,  de  salute  gratuita,  de  obtinendae  iustitiae  modo,  de  officio  et  virtute  Christi,  de  poenitentia  eiusque  exercitiis,  de  fide  quae  in  evangelii  promissiones  recumbens  salutis  certitudinem  nobis  affert,  de  invocatione  Dei,  aliisque  praecipuis  capitibus,  eadem  utrinque  apud  nos  doctrina  personat.  Unum  Deum  patrem,  eodem  mediatore  freti,  invocamus:  idem  adoptionis  spiritus  nobis  futurae  haereditatis  arra  est:  eodem  sacrificio  nos  omnes  Christus  reconciliavit:  in  ea  iustitia,  quam  nobis  peperit,  acquiescunt  mentes  nostrae:  eodem  capite  gloriamur.  Mirum  vero,  si  Christus,  quem  praedicamus  pacem  nostram,  et  qui  sublato  dissidio  patrem  nobis  in  coelo  placavit,  non  etiam  efficiat,  ut  fraternam  in  terra  pacem  mutuo  colamus.  Quid  quod  nobis  contra  Antichristum  eiusque  tyrannidem,  contra  foedas  christianae  religionis  corruptelas,  contra  impias  superstitiones  sacrorumque  omnium  profanationem,l)  quotidie  sub  eodem  vexillo  [pag.  9]  praeliandum  est?  His  ergo  tot  sacrae  coniunctionis  pignoribus,  et  hoc  consensu,  quem  divinitus  sancitum  fuisse  clare  apparet,  posthabito,  divortium  inter  eos  moliri,  qui  eandem  sequuntur  militiam,  non  minus  crudelis  quam  impia  membrorum  Christi  laceratio  est:  cui  vos  esse  fautores  minime  aequum  est,  vel  ullo  modo  suffragari.  Valete  observandi  fratres.  Dominus  vos  tueatur,  suo  spiritu  gubernet,  ac  benedictionibus  augeat.  Genevae,  Nonis  Ianuarii.  M.  D.  LVI.  1)  et  la  profanation  de  tout  le  service  de  Dieu  et  dependances  d'iceluy.  Calvini  opera.  Vol  IX.