54:50  sage-ci  soit  publie  comme  il  appartient.  Si  nous  detestons  les  Papistes,  comme  ils  sont  execrables,  pource  qu'ils  ont  prophane  toute  l'Escriture  saincte,  qu'ils  ont  perverti  et  corrompu  la  verite  de  l'Evangile,  et  le  service  de  Dieu,  en  ce  qu'ils  ont  infecte  tout  le  monde  de  superstitions  et  idolatries,  ceux-la  sont  plus  detestables  qui  veulent  aneantir  l'election  de  Dieu,  et  qui  taschent  par  voyes  obliques  et  indirectes,  de  faire  qu'on  n'en  parle  point  haut  et  clair,  et  que  ceste  doctrine-ci  soit  anoncee  comme  elle  en  est  digne.  Car  en  quoy  consiste  le  salut  des  fideles  sinon  en  l'election  gratuite  de  Dieu?  Ne  voulons-nous  point  qu'on  presche  que  Dieu  a  choisi  les  siens  par  sa  bonte  gratuite  sans  avoir  esgard  a  rien  qui  soit?  Ne  voulons-nous  point  que  ce  mystere  si  hauf,  comme  il  est,  et  incomprehensible  nous  soit  declare,  entant  que  Dieu  nous  Fa  voulu  reveler?  Il  est  certain  que  nous  conspirons  avec  Satan,  a  ce  que  Iesus  Christ  ait  souffert  en  vain,  et  que  la  passion  qu'il  a  enduree  ne  profite  rien  au  monde,  et  que  tout  s'en  aille  en  perdition,  et  en  enfer.  Voila  doncques  le  premier  article  que  nous  avons  ici  a  observer,  c'est  ascavoir  que  l'Evangile  ne  se  peut  prescher,  c'est  un  Evangile  bastard  et  profane,  c'est  une  doctrine  de  Mahommet,  il  n'y  aura  plus  d'Eglise,  ne  de  Chrestiente,  quand  on  voudra  aneantir  l'election  de  Dieu.  Que  sera-ce  donc?  Qu'on  desmente  le  sainct  Esprit  qui  parle  ici,  quand  on  ne  voudra  accepter  ceste  doctrine.  Et  pourtant  de  nostre  coste,  avisons  de  batailler  constamment,  car  c'est  le  fondement  de  nostre  salut.  Comment  pourrons-nous  edifier,  et  entretenir  l'edifice,  quand  le  fondement  sera  ruine?  Sainct  Paul  nous  appelle  ici,  quand  il  veut  monstrer  en  quelle  vertu  nous  avons  a  batailler,  et  comment  nous  parviendrons  a  cest  heritage  qui  nous  a  este  acquis  si  cherement,  comment  nous  entrerons  en  possession  de  la  gloire  de  Dieu,  comment  nous  parferons  cest  edifice:  et  dit,  Mes  amis,  il  nous  faut  estre  fondez  sur  ceste  grace  qui  nous  a  este  donnee,  non  point  d'auiourd'huy  ou  d'hyer,  mais  devant  la  creation  du  monde.  Vray  est  qu'auiourd'huy  nous  sommes  bien  appelez  de  Dieu,  mais  si  est-ce  que  l'election  precede,  voire,  et  que  Dieu  nous  a  eleus  sans  qu'il  y  ait  este  incite  par  nos  merites,  ou  que  nous  luy  ayons  peu  mettre  en  avant  quelque  chose,  sinon  que  nous  luy  devons  tout,  et  qu'il  nous  a  retirez  des  abysmes  de  perdition  ou  nous  estions  comme  povres  creatures  desesperee.  C'est  donc  bien  raison  que  nous-nous  soumettions  du  tout  a  luy,  pour  nous  obliger  pleinement  a  sa  bonte,  et  que  nous  soyons  du  tout  ravis  en  icelle.  Voila  comme  S.  Paul  parle.  Et  ainsi,  que  nous  retenions  ce  fondement  (comme  i'ay  dit),  si  nous  ne  voulons  que  nostre  salut  s'en  aille  en  ruine  et  confusion.  Au  reste,