44:50  nitatem  quasi  exemptus  sit  ab  omni  doctrina  vel  correctione,  dum  excellit  in  populo  Dei.  Quod  autem  principes  distinguit  a  iudicibus  haec  ratio  est,  quia  tunc  regnum  adhuc  stabat.  Ita  aulici  qui  pollebant  gratia  et  autoritate  apud  regem,  trahebant  ad  se  partem  praedae:  iudices  autem  etiam  altera  ex  parte  vorabant.  Quanquam  saepe  scriptura  haec  duo  nomina  confundat.  Sed  non  dubito  quin  per  .ntP  intelligat  aulicos!  proceres:  D^Dt^  autem  vocet  qui  exercebant  iudicia.  Dicit  autem  iudices  esse  lupos  vespertinos,  id  est,  famelicos.  Nam  accenditur  rabies  in  lupis,  quum  cursitarunt  toto  die,  et  nulla  occurrit  praeda.  Quoniam  ergo  inedia  acuit  lupos  ad  maiorem  saevitiam,  ideo  propheta  dicit  iudices  famelicos  esse  similes  lupis  vespertinis,  quorum  scilicet  rabiosa  est  fames.  Et  hoc  etiam  eodem  sensu  adiungit,  non  conterere  ossa  usque  ad  mane,  id  est,  non  differre  in  crastinum  diem,  ut  ossa  conterant:  quia  ubi  vorarunt  carnem,  simul  etiam  exercent  dentes  suos  in  ossibus  frangendis  :  tanta  scilicet  est  voracitas.  Nunc  tenemus  prophetae  consilium.  Postea  sequitur:  4.  Prophetae  eius  leves  (vel  futiles)  viri  transgressionum:  sacerdotes  eius  polluerunt  sanctum  (vel  sanctuarium),  sustulerunt  legem.  Iterum  propheta  revertitur  ad  inquinamenta  et  sordes,  de  quibus  loquutus  est  primo  versu.  Ostendit  se  non  immerito  clamasse  contra  urbem  pollutam,  quia  etiamsi  Iudaei  suas  ablutiones  tenebant,  non  poterant  tamen  se  hoc  modo  purgare  coram  Deo,  quum  tota  pietas  apud  ipsos  corrupta  esset.  Dicit  prophetas  fuisse  homines  leves.  Hic  unus  loquitur,  et  plures  simul  damnat.  Videmus  ergo  non  esse  cur  impii  suam  multitudinem  obiiciant,  ubi  Deus  verbo  suo  eos  accusat.  Quemadmodum  hodie  papistae  negant  uni,  vel  duobus,  vel  paucis  hominibus  fas  esse  in  eorum  impietatem  invehi,  etiamsi  omnia  pessum  eant,  nisi  accedat  consensus  totius  orbis.  Quasi  vero  propheta  non  unus  fuerit,  et  non  habuerit  certamen  cum  multis.  Verum  quidem  est  eodem  tempore  docuisse,  quo  etiam  munus  propheticum  exercuit  Iesaias,  quemadmodum  alibi  vidimus:  sed  tamen  vix  duo  aut  tres  tunc  fideliter  defuncti  sunt  officio  docendi.  Ex  hoc  autem  loco  et  aliis  multis  colligimus  pseudo-prophetas  fretos  sua  turba  fuisse  audaciores.  Atqui  non  ideo  destitit  Sophonias  contra  ipsos  clamare.  Ergo  utcunque  turmatim  irruerent  pseudoprophetae,  et  terrorem  incuterent  praetextu  suae  multitudinis:  hic  unus  nihilominus  retinuit  suam  Ubertatem  iu  ipsis  damnandis.  Sic,  etiamsi  totus  mundus  hodie  conspiret  ad  impietatem,  non  est  tamen  our  pauci  animo  frangantur,  dum  vident  ita  perverti  Dei  cultum:  sed  potius  sese  animent  hoo  exemplo,  et  strenue  4