42:50  hommes  tiennent  foy  et  loiaute,  quel  zele  y  ha  il  eu?  Il  est  vray  que  du  commencement  on  voioit  une  vertu  admirable  du  sainct  Esprit,  qu'il  avoit  enflamme  tellement  les  coeurs  des  fideles,  qu'ils  estoient  comme  anges  de  paradis  conversans  en  ce  monde,  mais  depuis  on  voit  que  tout  cela  s'est  refroidi,  on  voit  une  laschete  si  vilaine  que  rien  plus,  la  parole  de  Dieu  est  la  laisse,  qu'il  semble  que  ce  soit  le  malheur  de  tout  le  monde.  Quand  donc  nostre  Seigneur  a  veu  qu'on  mesprisoit  ainsi  sa  verite,  n'estoit  ce  pas  raison  qu'il  feist  une  punition  telle?  que  quand  on  avoit  reiette  une  telle  grace,  ne  failloit  il  point  qu'il  desploiast  son  bras  fort  pour  s'en  venger.  Ainsi  donc  si  le  temple  de  Dieu  ha  este  pollue,  et  qu'il  le  soit  encores  de  present,  que  son  service  soit  corrompu,  que  toutes  abominations  soient  establies,  ii  ne  faut  point  que  nous  trouvions  cela  trop  estrange,  car  il  est  desia  advenu  auparavant,  et  n'est  point  advenu  de  cas  d'adventure,  car  puis  que  l'ange  l'avoit  predit,  il  faut  conclurre  que  Dieu  l'avoit  ainsi  delibere  en  son  conseil.  Ainsi  donc  humilions  nous  sous  la  main  de  nostre  iuge  celeste,  et  connoissons  que  s'il  permet  que  toutes  confusions  adviennent,  que  c'est  pour  nos  peches:  gemissons  donc,  et  cependant  que  nous  n'alleguions  pas,  comme  font  beaucoup  d'ignorans,  et  comment  cela  pourroit  il  estre  advenu,  et  pourquoy  Dieu  l'auroit  ainsi  ordonne?  Connoissons  que  c'est  par  son  iuste  iugement  qu'il  l'a  fait.  Et  ainsi  que  nous  ne  soions  point  transportes  outre  mesure,  que  nul  ne  vienne  a  decliner  de  la  verite  pour  cela,  mais  tenons  bon,  que  nous  soions  fermes,  quand  nous  connoissons  que  c'est  Dieu  qui  parle  a  nous.  Or  regardons  maintenant  a  ce  que  nous  avons  desia  touche,  c'est  a  scavoir  que  les  desloiaux  et  les  apostats  qui  estoient  alors  en  l'Eglise  de  Dieu,  que  ceux  la  ont  fait  la  bresche  a  ce  tirant,  duquel  il  est  fait  ici  mention.  Si  auiourd'huy  nous  voions  que  l'Eglise  de  Dieu  soit  encores  suiette  a  cette  condition  la,  n'en  soions  point  esbahis  car  il  en  ha  este  ainsi  de  tout  temps,  pource  qu'il  y  en  avoit  de  ce  temps  la,  qui  ne  demandoient  qu'introduire  des  tirans  pour  aneantir  la  pauvre  Eglise  de  Dieu.  Quand  auiourd'huy  nous  verrons  qu'il  y  en  aura  des  malins  qui  ne  cercheront  sinon  a  renverser  la  purete  de  l'Evangile,  et  que  mesmes  ils  ne  demandent  que  de  comploter  avec  les  ennemis  de  la  foy,  ne  trouvons  point  cela  nouveau,  car  il  est  advenu  desia  en  l'Eglise  ancienne,  il  ha  fallu  que  les  fideles  aient  persevere  contre  une  telle  tentation  :  confermons  nous  donc  a  leur  exemple,  et  prions  Dieu  qu'il  nous  fortifie,  tellement  que  nous  venions  a  bout  d'un  tel  scandale.  Mais  nous  avons  encores  mieux  a  noter  ce  qui  est  ici  recite  par  l'ange,  c'est  a  scavoir  que  le  sacrifice  continuel  sera  oste.  Quand  4