35:50  dociles.  Et  comment  le  pourrons-nous  faire,  sinon  ayans  cognu  le  besoin  que  nous  avons  de  les  supporter?  Or  cela  ne  se  pourra  faire  que  nous  ne  sentions  combien  nous  sommes  fragiles:  car  celuy  qui  ne  cognoist  point  ses  povretez,  n'a  point  de  compassion  pour  se  conformer  a  la  tristesse  d'au*  truy,  et  pour  y  respondre.  Ainsi  donc  voulonsnous  fidelement  enseigner  les  ignorans?  Il  f$ut  que  nous  cognoissions  qu'il  n'y  a  qu'ignorance  en  nous,  et  que  ce  seroit  pis  que  de  tout  le  reste,  si  Dieu  ne  nous  avoit  donne  ce  que  nous  avons  receu  de  luy.  Apres,  voulons-nous  consoler  les  povres  affligez?  Que  nous  sachions  que  c'est  de  l'estre,  que  nous  ayons  passe  par  la,  et  que  nous  soyons  touchez  d'affliction  et  de  tristesse  pour  nous  consoler  avec  ceux  qui  sont  tristes,  et  pour  les  savoir  supporter.  Si  mesmes  nous  voulons  redarguer  ceux  qui  ont  failli,  que  nous  ne  le  facions  point  avec  trop  grande  violence,  plustost  que  nous  ayons  pitie  de  leur  perdition.  Il  est  vray  qu'il  faudra  bien  par  fois  que  la  vehemence  soit  aussi  coniointe  quant  et  quant:  quand  nous  verrons  les  povres  ames  perir,  il  n'est  point  question  d'amadouer  la:  si  les  hommes  sont  obstinez  en  leur  rebellion,  o  il  n'est  point  question  de  les  picquer  tant  seulement,  mais  il  les  faut  navrer  au  vif.  Voire:  mais  cependant  si  fautil  que  nous  ayons  cela  devant,  a  savoir,  que  nous  ayons  cognu  nos  infirmitez,  et  qu'il  notis  face  mal  quand  nous  viendrons  en  esprit  de  rigueur:  comme  un  pere,  combien  qu'il  frappe  sur  ses  enfans,  combien  qu'il  use  de  paroles  beaucoup  plus  aspres  qu'il  ne  seroit  point  envers  les  estrangers:  toutes  fois  si  est-ce  qu'il  a  son  coeur  sanglant,  quand  il  faut  qu'il  se  transfigure  ainsi.  Notons  donc  que  iamais  un  homme  ne  sera  propre  a  enseigner,  sinon  qu'il  ait  vestu  une  affection  paternelle,  et  qu'il  ait  en  premier  lieu  cognu  ses  infirmitez,  a  fin  de  se  renger  a  une  telle  compassion,  qu'il  ait  pitie  de  tous  ceux  ausquels  il  a  affaire.  Voila  ce  qui  nous  est  ici  monstre  par  Eliu.  Et  au  reste  que  tous  ceux  qui  sont  constituez  en  autorite,  regardent  bien  qu'il  ne  faut  point  qu'ils  abusent  de  leur  puissance  en  tyrannie,  pour  opprimer  ceux  qui  sont  inferieurs  a  eux:  car  ils  auront  double  conte  a  rendre  devant  Dieu  si  sous  ombre  de  leur  autorite  ils  veulent  qu'on  les  craigne  et  redoute,  et  ne  cerchent  pas  principalement  l'honneur  de  Dieu  avec  le  salut  de  ceux  qui  leur  sont  commis.  Et  voila  comme  Ezechiel  (34,  4)  parle  des  mauvais  pasteurs  qui  ont  foule  le  peuple  de  Dieu  par  tyrannie:  il  dit,  qu'ils  ont  domine  en  puissance,  et  avec  toute  autorite.  Voire:  mais  au  contraire  il  nous  est  ici  monstre  que  tous  ceux  qui  voudront  s'acquiter  loyaument  envers  Dieu,  et  envers  leurs  prochains,  quand  ils  seront  constituez  en  degre  superieur,  il  ne  faut  point  que  pour  cela  4