33:50  veulent  honorer  Dieu  sans  l'avoir  cogneu,  d'autant  qu'ils  ne  savent  que  c'est  de  Dieu,  ne  de  sa  maieste  :  il  faut  bien  qu'ils  sacrifient  a  des  idoles,  qu'ils  ont  forgees  et  basties  en  leur  cerveau.  Dieu  donc  n'accepte  point  aucun  service  sinon  celui  qui  lui  est  fait  quand  on  l'a  cognu.  Voila  pour  le  premier.  Or  pour  le  second,  il  faut  que  le-4  service  de  Dieu  soit  spirituel.  Les  Payens  ont  estime  que  Dieu  seroit  appaise,  quand  on  luy  auroit  offert  un  boeuf,  ou  un  veau:  et  c'est  une  grande  moquerie,  comme  si  Dieu  estoit  transfigure,  e(  quand  il  seroit  courrouce  contre  les  hommes,  qu'ils  le  peussent  appaiser  par  ce  moyen-la.  Il  faut  donc  avoir  ceste  reigle  en  premier  lieu,  que  1e  service  de  Dieu  est  spirituel:  il  faut  monter  plus  haut  qu'a  ces  figures  visibles:  car  elles  nous  doivent  mener  a  une  fin  celeste,  et  non  pas  nous  retenir  ici  bas  en  ce  monde  sans  eslever  nos  esprits  au  ciel.  Voila  donc  comme  les  fideles  ont  tousiours  regarde  a  Dieu,  quand  ils  ont  sacrifie:  et  puis  ils  ont  este  advertis  de  leurs  vices,  et  de  leurs  pechez,  afin  de  s'y  desplaire:  Les  Payens  n'ont  rien  cognu  de  cela.  Nous  voyons  donc  maintenant  'qu'il  ne  nous  faut  point  arrester  a  l'exterieur,  quand  ii  est  question  de  servir*  a  Dieu,  mais  il  faut  venir  au  principal,  c'est  a  savoir,  que  nous  cognoissions,  quel  est  le  Dieu  que  nous  devons  adorer,  que  nous  sachions  comment,  et  en  quelle  sorte  nous  devons  approcher  de  luy,  et  que  les  ceremonies  (desquelles  nous  usons)  nous  conduisent  a  ce  service  spirituel,  duquel  ii  est  ici  parle.  Exemple:  Les  Papistes  auiourd'-  huy  auront  beaucoup  de  ceremonies  semblables  a  nous:  car  ils  plieront  bien  les  genoux  quand  ils  voudront  prier,  ils  auront  d'autres  telles  choses:  et  bien,  cependant  nous  voyons  qu'ils  ne  savent  ou  s'adresser,  qu'ils  s'en  iront  plier  les  genoux  devant  un  marmouset  de  bois,  ou  de  pierre,  en  cela  monstrent-  ils  qu'ils  ne  savent  que  c'est  de  Dieu:  etainsi  il  faut  que  tout  ce  qu'ils  pensent  avoir  de  religion  soit  pollu,  et  prophane.  Ils  feront  assez  de  singeries,  mais  ils  pervertissent  tout,  d'autant  qu'ils  ne  regardent  point  a  ce  que  Dieu  a  commande,  plustost  ils  suyvent  leurs  propres  inventions,  et  leur  semble  qu'ils  ont  beaucoup  fait,  quand  ils  auront  amasse  beaucoup  de  pieces.  Or  ils  se  travaillent  en  vain,  d'autant  qu'ils  ne  se  retienent  pas  sous  la  regle  de  la  parole  de  Dieu.  Voila  en  quoi  nous  differons  d'avec  ceux  qui  ne  cognoissent  point  qu'il  y  a  un  Dieu  que  nous  devons  adorer,  et  venir  a  lui  par  le  moyen  de  nostre  Seigneur  Iesus  Christ,  et  qu'il  nous  le  faut  servir  selon  sa  parole.  Quand  nous  aurons  cognu  cela,  nous  pourrons  bien  dire,  que  les  sacrifices  que  nous  oifrirons  sont  agreables  a  Dieu,  et  qu'il  les  accepte.  Mais  notons  aussi  que  beaucoup  abusent  mesmes  de  ceste  forme,  qui  est  bonne  et  saincte,  d'adorer  4