31:50  Per  adverbium  nunc  significat  mature  illis  esse  resipiscendum:  quia  non  semper  eadem  dabitur  opportunitas.  Interim  subindicat  adhuc  se  utiliter  eos  monere,  quia  poenitentiae  locus  est  si  maturent.  Quum  eos  iubet  intelligentia  esse  praeditos,  oblique  falsam  prudentiae  confidentiam  in  ipsis  perstringit:  acsi  dixisset:  Hoc  recte  sapiend  iinitium  esse,  deposito  fastu  se  addicere  Christi  imperio.  Ergo  quantumvis  sibi  placeant  mundi  principes  in  suo  acumine,  sciamus  eos  plane  desipere  donec  fiant  humiles  Christi  discipuli.  Porro  intelligendi  modum  definit,  eos  Domino  servire  iubens  in  timore.  Nam  quia  altitudine  sua  confisi,  se  communi  iure  solutos  somniant,  haec  maxime  superbia  eos  excaecat,  ut  ne  Deo  quidem  subesse  dignentur.  Ergo  donec  ipsum  timere  didicerint  recta  mente  privatos  esse  admonet.  Et  certe  quia  eos  indurat  securitas,  ut  obsequia  sua  Deo  subtrahant,  primum  cogendi  sunt  ad  timorem,  ut  corrigatur  eorum  rebellio.  Caeterum,  ne  molesta  illis  sit  haec  servitus  ad  quam  eos  vocat,  Exsultandi  verbo  suavem  et  optandam  esse  docet,  quia  materiam  afferat  verae  laetitiae.  Sed  ne  suo  more  lasciviant,  et  inanibus  gaudiis  ebrii  se  beatos  esse  fingant  dum  inimici  sunt  Deo:  iterum  nomine  tremoris,  ad  supplicem  modestamque  submissionem  eos  hortatur.  Est  enim  antithesis  inter  laetum  et  hilarem  tranquillae  conscientiae  statum,  dum  fideles  Deum  quem  reverentur  sibi  propitium  esse  gaudent:  et  effraenem  petulantiam  ad  quam  impios  rapit  Dei  contemptus  et  oblivio.  Subindicat  igitur  propheta,  quamdiu  intemperanter  pro  carnis  libidine  exsultant  superbi,  suo  exitio  eos  ludere:  hoc  vero  unicum  et  salutare  esse  gaudium,  acquiescere  in  Dei  metu  et  reverentia.  12.  Osculamini  Filium  ne  quando  irascatur,  et  pereatis  de  via,  quando  exardebit  brevi  ira  eius:  beati  omnes  qui  confidunt  in  eo.  Clarius  adhuc  exprimit  quemnam  Deus  timorem  et  cultum  exigat.  Nam  sicuti  regnare  vult  per  manum  Filii  sui,  et  in  eius  persona  gloriae  suae  notas  et  insignia  insculpsit:  haec  nostrae  erga  eum  obedientiae  et  pietatis  legitima  est  probatio,  reverenter  amplecti  quem  nobis  regem  praefecit,  secundum  illud  Iohan.  5,  23  :  Qui  non  honorat  filium,  neque  patrem  honorat  qui  misit  illum.  Nam  Osculi  nomine,  solenne  honoris  testimonium  vel  symbolum  designat,  quo  subditi  erga  suum  regem  defungi  solebant.  Summa  est,  Deum  honore  suo  fraudari  nisi  in  Christo  colitur.  Quanquam  autem  hebraicum  nomen  "13  tam  filium  quam  electum  significat:  utrovis  tamen  modo  accipias,  idem  manebit  sensus.  Vere  enim  electus  a  Patre  fuit  Christus,  cui  data  fuit  omnis  potestas,  ut  solus  supra  homines  4