29:50  sainct  Paul  l'allegue  aussi  proprement,  quand  par  cela  il  nous  veut  tenir  en  bride,  afin  que  nul  de  nous  ne  soit  vindicatif,  et  que  nous  n'usurpions  pas  ce  que  Dieu  s'est  reserve.  Or  donc  ne  vous  vengez  point,  mes  amis,  donnez  lieu  a  l'ire:  car  il  est  escrit;  C'est  a  moy  qu'appartient  la  vengeance.  La  nous  voyons  que  sainct  Paul  adoucit  la  cholere  et  les  passions  excessives  qui  transportent  les  hommes,  quand  ils  sont  faschez:  et  mes  amis  (ditil)  ne  vous  vengez  point:  car  il  vous  faut  donner  lieu  a  Tire,  autrement  c'est  autant  comme  si  vous  repoussiez  Dieu,  et  que  vous  l'empeschissiez  qu'il  ne  fist  son  office:  laissez-le  faire,  car  il  a  promis  que  comme  il  est  iuge  du  monde,  quand  vous  serez  tourmentez  de  vos  ennemis,  qu'il  leur  rendra  la  pareille:  voire  moyennant  que  vous  portiez  le  tout  en  patience,  et  d'une  affection  debonnaire.  Car  si  vous  voulez  vous  venger  de  vous-mesmes,  c'est  autant  comme  si  vous  fermiez  la  porte  a  Dieu,  pour  dire:  Ie  ne  veux  point  m'attendre  a  luy:  mais  ie  veux  essayer  ce  que  ie  pourray  faire.  Comment?  Dieu  veut  estre  vostre  protecteur,  il  vous  fait  a  tous  la  grace  de  vous  prendre  en  sa  sauvegarde,  de  venger  vos  iniures:  et  vous  estes  tant  impatiens,  et  si  bouillans,  que  vous  ne  pouvez  attendre  qu'il  besongne.  Et  quiconque  se  haste  ainsi,  celuy-la  se  met  comme  au  siege  de  Dieu,  et  c'est  blasphemer  son  Nom.  Ainsi  donc  advisez  (dit-il)  de  donner  lieu  a  l'ire  de  Dieu,  c'est  a  dire,  ae  souffrir  patiemment,  et  d'un  esprit  coy  et  paisible,  que  nostre  Seigneur  face  et  execute  ce  qu'il  a  promis,  puis  qu'ainsi  est  que  la  vengeance  luy  appartient.  Nous  voyons  maintenant  a  quoy  tend  ceste  sentence,  et  que  sainct  Paul  a  aussi  prudemment  applique  ce  passage,  duquel  on  peut  recueillir  deux  choses:  l'une  est,  que  nous  cheminions  en  crainte  et  sollicitude,  voyans  que  par  nos  hypocrisies  nous  voulons  tousiours  nous  couvrir:  et  quand  nous  aurons  este  bien  abrutis,  ou  enyvrez  en  nos  fautes,  que  nous  n'en  aurons  point  meilleur  marche,  mais  qu'il  faudra  a  la  fin  que  Dieu  accomplisse  ce  qu'il  a  ici  prononce.  Et  pourquoy  ?  Car  il  ne  peut  estre  Dieu,  qu'il  ne  soit  quant  et  quant  iuge  du  monde.  Cheminons  donc  sous  sa  crainte.  Et  au  reste,  nous  avons  a  nous  consoler,  voyans  qu'il  usera  de  vengeance  contre  nos  ennemis,  si  nous  taschons  de  nous  adonner  pleinement  a  luy,  de  nous  tenir  cachez  sous  ses  ailes:  si  nous  souffrons  qu'il  nous  guide  et  gouverne  par  son  S.  Esprit,  que  nous  mettions  peine  a  suyvre  sa  parolle,  la  vengeance  que  doivent  craindre  tous  contempteurs  de  sa  maieste,  et  tous  rebelles  a  sa  parolle,  elle  sera  convertie  contre  nos  ennemis,  et  nostre  Seigneur  en  cela  monstrera  et  ratifiera  l'amour  paternelle  qu'il  nous  porte.  En  somme  ceste  doctrine  nous  sollicite  d'un  coste  a  craindre,  afin  4