28:50  pour  dire:  Que  n'avez-vous  regarde  a  ce  que  ie  vous  commandoye?  Et  ou  en  estes-vous?  Pensezvous  estre  sages  par  dessus  moy?  Et  ie  vous  monstreray  que  ie  suis  vostre  Iuge.  Et  notons  bien  que  les  pechez  et  l'iniquite  est  double,  quand  les  hommes  ne  peuvent  acquiescer  a  ce  que  Dieu  prononce,  et  qu'ils  veulent  user  de  repliques  a  l'encontre,  Et  ainsi  donc  cognoissons  que  c'est  double  malheur  sur  nous,  quand  nous  voyons  d'un  coste  Dieu  qui  parle,  et  qu'il  declare  que  les  adulteres  sont  des  infections  telles  qu'il  ne  les  peut  souffrir:  et  qu'il  declare,  quand  le  mariage  qui  est  dedie  en  son  nom,  est  corrompu,  qu'il  faut  que  la  vengeance  en  soit  faite.  Quand  nous  oyons  que  Dieu  vient  a  telle  rigueur:  d'autre  coste  que  nous  cognoissons  qu'il  a  inspire  seulement  de  nature  cela  aux  Payens,  qu'ils  ont  cogneu  qu'il  n'y  pouvoit  avoir  police  entre  les  hommes,  sinon  que  les  adulteres  fussent  rigoreusement  punis:  voyant  cela,  que  pouvonsnous  dire?  Et  ainsi,  advisons  en  premier  lieu  quand  il  est  dit  ici,  qu'une  fille  qui  aura  fiance  un  mari,  quand  elle  se  laissera  violer,  qu'elle  soit  lopidee  avec  le  paillard:  cognoissons  que  nostre  Seigneur  a  regarde,  puis  qu'elle  est  si  lasche  de  fausser  sa  foy,  ouy  en  une  chose  si  saincte  et  si  sacree  comme  est  le  mariage:  que  c'est  comme  si  elle  s'abandonnoit  a  tous  vices  et  pechez.  Car  une  femme  qui  paillardera,  elle  pourra  encores  plus  desrober:  d'autant  qu'elle  fait  pis  beaucoup  que  si  elle  desroboit  Targent  de  son  mari,  quand  elle  luy  fait  un  tel  tort  et  une  telle  villenie.  Et  puis  au  reste  il  nous  faut  tousiours  la  venir,  que  quand  une  promesse  est  donnee,  voire  et  une  promesse  qui  est  de  telle  importance,  comme  nous  savons  a  quelle  fin  le  mariage  est  institue,  que  c'est  afin  que  les  hommes  vivent  honnestement  entre  eux,  et  qu'il  n'y  ait  point  une  licence  brutale  pour  s'accoupler  comme  chiens  et  chiennes,  comme  taureaux  et  vaches:  mais  qu'ils  monstrent  que  ce  n'est  point  en  vain  qu'ils  portent  la  marque  de  Dieu.  Puis  qu'ainsi  est  donc  que  le  mariage  est  institue  a  ceste  fin,  quand  on  voudra  aller  a  l'opposite,  n'est-ce  point  despitter  Dieu  manifestement?  N'est-ce  point  le  vouloir  arracher  de  son  siege,  et  tellement  effacer  son  image,  que  les  hommes  ne  se  cognoissent  plus:  mais  que  nous  soyons  comme  des  taureaux  et  des  chiens?  Quand  donc  on  vient  a  ceste  extremite-la,  ne  faut-il  pas  que  Tire  de  Dieu  se  desploye?  Mais  revenons  tousiours  a  ce  que  nous  avons  dit:  que  comme  ce  commandement  est  donne  aux  iuges  et  magistrats  touchant  la  police,  que  nous  devons  estre  advertis  chacun  de  nous  de  son  devoir,  afin  de  cheminer  songneusement  en  nostre  vocation.  Si  ceux  qui  ont  le  baston  de  iustice  en  main  souffrent  les  paillardises  regner,  et  que  les  mariages  soyent  corrompus,  qu'il  n'y  ait  plus  ne  foy  ne  promesse  4