27:50  laisserons  1a,  qu'est-ce  sinon  une  prophanation  que  nous  faisons,  de  n'avoir  point  applique  en  usage  un  tel  thresor,  de  ne  l'avoir  point  fait  profiter  selon  l'intention  de  nostre  Dieu?  Ainsi  donc,  dit  sainct  Paul,  en  est-il  des  Sacremens:  car  ce  ne  sera  qu'une  lettre  morte  quand  nous  n'aurons  seulement  que  les  signes  visibles,  il  n'y  aura  qu'une  belle  apparence  et  monstre  devant  les  hommes:  mais  le  tout  est  d'avoir  la  verite  devant  Dieu.  Voulons  nous  donc  avoir  la  vraye  Circoncision?  qu'elle  soit  au  dedans,  c'est  a,  dire,  en  l'esprit,  c'est  a  dire  que  Dieu  y  besongne.  Maintenant  donc  nous  voyons  l'intention  de  Moyse:  c'est  que  le  peuple  ne  se  glorifie  point  en  vain  du  nom  de  Dieu,  qu'il  ne  porte  point  sa  marque,  que  ce  ne  soit  en  verite,  et  pour  en  monstrer  la  vertu:  mais  qu'il  face  valoir  le  signe  du  tesmoignage  de  son  adoption,  afin  qu'on  cognoisse  que  ce  n'est  point  sans  cause  qu'il  a  este  separe  d'avec  les  Payens  qui  estoyent  comme  bannis  de  l'Eglise  de  Dieu,  et  qui  n'avoyent  nulle  accointance  avec  luy.  En  second  lieu  nous  voyons  que  ceste  doctrine  auiourd'huy  nous  attouche,  et  qu'elle  s'adresse  a  nous,  d'autant  que  nous  avons  le  Baptesme  qui  est  de  mesme  usage  que  la  Circoncision:  que  Dieu  nous  veut  amener  a  repentance.  Il  faut  donc  que  nous  appliquions  ceci  a  nostre  usage  :  et  puis  que  Dieu  nous  a  voulu  donner  une  signature  de  l'amour  paternel  qu'il  nous  porte,  qu'il  nous  a  voulu  recueillir  en  son  Eglise,  et  monstrer  qu'il  nous  a  attirez  a  soy  pour  estre  heritiers  de  son  royaume:  que  nous  n'aneantissions  point  par  nostre  malice  et  ingratitude  un  tel  bien,  mais  que  nous  le  facions  valloir,  et  que  nous  soyons  baptisez  en  nos  ames,  c'est  a  dire,  que  nos  pensees,  nos  raisons,  nos  cupiditez  soyent  amorties,  et  que  nous  venions  nous  presenter  a  Dieu  en  sacrifice,  afin  qu'il  nous  renouvelle,  et  qu'il  n'y  ait  que  son  Esprit  qui  domine  en  nous,  et  qu'il  y  ait  toute  vigueur.  Or  ceste  exhortation  est  faite  aux  Iuifs,  .d'autant  que  leur  devoir  estoit  d'appliquer  a  telle  fin  les  Sacremens  qui  leur  estoyent  donnez.  Cependant  toutesfois  notons,  que  il  n'est  point  en  nous  d'accomplir  ce  qui  est  ici  requis.  Car  combien  que  les  Iuifs  se  devoyent  circoncir  en  leurs  coeurs,  toutesfois  il  falloit  bien  que  Dieu  y  besongnast,  comme  auiourd'huy  nous  devons  bien  nous  mortifier,  et  il  nous  est  commande  de  ce  faire:  mais  si  nous  faut-ii  recourir  a  Dieu,  le-  \  quel  seul  s'est  reserve  cest  office  de  renouveller  nos  j  ames.  Et  voila  pourquoy  il  est  dit  que  nostre  Seigneur  Iesus  Christ  est  celuy  seul  qui  baptise  en  esprit,  et  en  feu  :  car  si  l'homme  qui  administre  le  Baptesme  avoit  la  vertu  de  regenerer,  il  auroit  en  soy  la  vertu,  la  maieste,  et  la  gloire  qui  est  donnee  au  Fils  de  Dieu:  mais  nous  baptisons  seulement  en  eau,  c'est  a  dire,  nous  avons  le  signe  4