26:50  refuser  passage,  falloit-il  pourtant  que  les  femmes  en  portassent  la  folle-enchere  avec  les  enfans?  Mais  par  ceci  nous  voyons  et  sommes  admonnestez,  qu'il  ne  nous  faut  point  prononcer  des  iugemens  de  Dieu  a  nostre  fantasie:  car  si  nous  voulons  aller  a  l'estourdie,  quand  Dieu  nous  declare  qu'il  a  conduit  une  chose,  et  que  nous  vueillions  en  dire  nostre  ratellee  tous  les  coups,  nous  usurperons  l'office  de  Dieu.  Car  c'est  a  luy  de  nous  iuger,  et  non  pas  a  nous  de  le  iuger.  Or  qu'adviendra-il  sinon  que  nous  serons  confus  en  nostre  temerite  et  audace?  Quel  sacrilege  est-ce  que  les  creatures  mortelles  s'eslevent  si  haut,  de  vouloir  determiner  par  dessus  leur  createur?  Ainsi  donc  apprenons  quand  il  nous  est  parle  des  iugemens  de  Dieu,  de  ne  point  avoir  nos  esprits  volages,  pour  en  dire  ce  que  bon  nous  semblera:  mais  cognoissons  que  tout  ce  qui  procede  de  Dieu,  est  bon  et  iuste,  encores  qu'il  nous  semble  du  contraire.  Et  de  faict,  quand  nous  ne  voyons  goutte  en  ces  abysmes  profonds  des  iugemens  de  Dieu  :  sachons  que  nous  sommes  tesmoins  de  l'infirmite  qui  est  en  nous:  et  que  cependant  Dieu  ha  dequoy  pour  maintenir  sa  iustice,  combien  qu'il  ne  nous  le  monstre  pas.  Et  si  ce  qui  est  escrit  en  Genese  estoit  bien  poise,  alors  nous  cognoistrions  que  nostre  Seigneur  non  sans  cause  a  voulu  que  les  petis  enfans  fussent  exterminez  du  monde  en  ce  peuple  des  Amorrheens.  Car  du  temps  d'Abraham  les  Cananeens  estoyent  venus  iusques  au  comble  de  toute  iniquite,  comme  il  eust  semble:  nous  en  voyons  assez  d'exemples  en  ce  qu'ils  ont  tant  moleste  Abraham.  Et  toutesfois  Dieu  dit,  que  leur  iniquite  n'est  pas  encores  accomplie.  Combien  que  les  hommes  les  eussent  condamnez,  Dieu  est  patient,  et  endure,  et  les  supporte,  voire  iusques  a  quatre  cens  ans  apres.  Voila  Dieu  qui  endure  quatre  cens  ans  la  malice  de  ce  peuple:  au  bout  de  quatre  cens  ans,  nous  dirons  donc:  Comment  est-ce  que  Dieu  les  a  traitte  si  rudement?  Nous  voudrons  plaider  contre  Dieu:  s'il  use  de  patience,  nous  dirons  qu'il  est  trop  tardif:  et  quand  il  usera  de  vengeance  extreme,  nous  le  voudrons  arguer  de  cruaute.  Or  au  contraire,  quand  Dien  du  premier  coup  n'execute  pas  ses  iugemens,  sachons  qu'en  cela  il  nous  monstre  sa  bonte.  Et  a  l'opposite,  quand  il  nous  monstre  sa  rigueur  telle  que  nous  en  sommes  esbahis  et  effrayez,  sachons  qu'il  fait  iustement,  et  a  bonne  cause,  combien  que  tousiours  la  cause  ne  nous  soit  point  patente.  Et  ainsi  donc  en  premier  lieu,  quand  il  nous  est  ici  parle  de  la  desconfiture  telle  du  peuple  iusques  aux  petis  enfans:  sachons,  d'autant  que  Dieu  declare  qu'il  l'avoit  ainsi  commande  au  peuple  d'Israel,  qu'il  nous  faut  recevoir  cela  sans  contredit,  et  qu'il  n'est  point  question  de  nous  rebecquer  a,  l'encontre,  si  nous  ne  voulons  estre  condamnez  en  nostre  4