20:50  corpus  Christi  nostrum  os  et  corpus  attingat  Omnino,  inquam,  ita  e  vestris  scriptis  iudicavi  vos  sentire.  Minime,  minime,  inquit  ille,  ita  sentimus:  sed  nos  ita  loquimur  propter  unionem  sacramentalem.  Tum  ego:  Si  non  aliter  sentitis,  non  damno  istam  loquutionem.  Nam  et  ego  admitto,  propter  sacramentalem  unionem,  id  attribui  corpori  Christi  quod  proprium  panis,  et  contra  pani  id  quod  proprium  est  corporis  Christi.  Sed  de  manducatione  indignorum,  quid  sentis,  inquit  ille?  Si  nomine  indignorum,  respondi,  intelligatis  homines  plane  impios,  qui  vera  fide  destituti  sunt,  non  possum  admittere  ab  illis  corpus  Christi  manducari.  Si  vero  homines  fide  quidem  praeditos,  sed  ea  imbecillior!  et  solutioris  vitae  quam  Christianum  deceat,  non  refragor.  Tales  enim  fuerunt  illi  Corinthii,  quos  Paulus  docebat,  quia  indigne  manducarant  corpus  Domini,  a  Domino  iudicari,  hoc  est,  castigari,  ne  cum  hoc  mundo  damnarentur.  Non  potuit  inter  nos  de  hoc  articulo  conveniri.  Sed  ego  non  dubito,  inquit  ille,  quin  si  diligentius  hunc  etiam  articulum  examinaveris,  sis  in  nostram  sententiam  venturus.  Satis,  inquam  ego,  diligenter  examinavi,  et  aliter  quam  sentiam  sentire  non  possum.  Bene,  satis  est,  inquit,  de  coena  dictum:  agimus  gratias  Deo,  quod  in  hoc  etiam  articulo  de  coena,  non  est  magna  discrepantia  inter  vos:  quum  utrique  fateamini  veram  et  substantialem  praesentiam.  Ita  discessum  fuit.  Conceperunt  deinde  articulos  quosdam  de  praedestinatione:  hos  dederunt  utrique  parti  inspiciendos  :  sed  mihi  cum  tanta  festinatione  exhibuerunt  legendos,  ut  nollent  eos  vel  unam  noctem  apud  me  pernoctare.  Tandem  ubi  viderent,  me  nolle  illis  subscribere,  nisi  prius  a  me  diligenter  domi  examinarentur  permiserunt,  sed  hac  lege,  ut  neque  describerent  neque  curarem  describendos.  Adiecerunt  illis,  ut  etiam  de  coena  aliquid  statuerem,  saltem  in  genere,  confessionem  Augustanam  et  articulos  concordiae  inter  Lutherum  et  Bucerum.  In  articulis  de  praedestinatione,  nihil  deprehendi  aperte  impium  et  quod  non  posset  bona  conscientia  admitti,  quemadmodum  et  postea  D.  Calvinus  tum  ad  me  tum  ad  pastorem  nostrum  scripsit.  Tantum  vidi,  ita  eos  artificiose  fuisse  compositos,  ut  tamen  liquido  appareret,  compositores  magis  curasse,  ut  articuli  controversi  obductis  quibusdam  tenebris  sepelirentur,  quam  ut  veritas  aperta  luce  explicaretur.  Haec  fuit  una  praeter  alias  causas,  cur  diu,  hoc  est  ad  extremum  fere  usque,  restiterim  ne  subscriberem.  Tandem  quum  viderem,  per  me  unum  tantum  stare,  ne  sublato  tanto  dissidio,  quod  erat  non  inter  unum  aut  alterum,  sed  inter  omnes  ministros  una  ex  parte,  et  omnes  professores  ex  altera  parte,  pax  et  consensio  fieret,  et  viderem,  me  salva  conscientia  posse  subscribere,  praemissa  praesertim  protestatione,  assensus  sum.  4