15:50  secratus  ab  externis  causis  non  pendeat:  quemadmodum  tu  alicubi  de  eiusmodi  amicitia  loqueris.  Hanc  enim  ego  quoque,  cum  Hieronymo,  pro  vera  amicitia  et  necessitudine  habeo,  quam  non  utilitas  rei  familiaris,  non  praesentia  tantum  corporum,  non  subdola  et  palpans  adulatio,  sed  Dei  timor  et  divinarum  literarum  studium  conciliant,  ac  sic  Christi  glutino  copulatur:  qualis  revera  haec  nostra  erit,  si  modo  me  in  album  tuorum  amicorum  referre  dignatus  fueris.  Tu  autem,  mi  Calvine,  in  sancto  illo  tuo  ac  pio  proposito  susceptoque  labore  explanandae  scripturae  strenue  perge:  nec  prius  desiste  quam  omnes  libros  propheticos  et  apostolicos  percurreris.  Si  modo  tam  diu  (quod  unice  a  Deo  patre  Domini  nostri  Iesu  Christi  rogamus)  vitam  tibi  Dominus  prorogaverit.  Placet  enim  mihi,  imo  piis  omnibus,  purus  ille  ac  vere  latinus  tuus  stylus.  Placet  succincta  illa  brevitas:  quae  etiamsi  non  more  aliorum  interpretum,  in  locos  communes  evagatur,  nihil  tamen  omittit  quod  scitu  dignum  et  necessarium  est.  Probatur  etiam  nobis  illud  pium  pacis  studium,  quo  conaris  oblivione  sepelire  contentionem  illam,  satis  infelicem,  de  eucharistiae  sacramento  motam,  quae  multum  nos  iam  diu  exercuit,  et  haud  dubie  multis,  ne  Christo  se  totos  addicerent,  fuit  impedimento  ac  obstaculo,  Quoniam  vero  haec  contentio  apud  omnes  oblivione  obrui  nequit,  conaris  dissidentes  partes  inter  se  reconciliare,  ac  ita  iuxta  Christi  verbum  uqrjvonomv.  Nec  dubita,  te  non  perdidisse  in  hoc  studium  et  operam.  Multi  enim  quos  ego  novi,  qui  antea  adversam  partem  tantum  non  exsecrabantur,  lecta  tua  hac  de  re  ac  diligentius  perpensa  sententia,  aequiores  Zwinglio  et  Oecolampadio  facti,  plane  in  tuam  sententiam  manibus  ae  pedibus  eunt.  Ex  quorum  numero  me  quoque  unum  esse  libere  profiteor.  Vere  enim  tibi  assentior  alicubi  dicenti:  Nisi  Lutherus,  Oecolampadius  ac  reliqui  (viri  certe  nunquam  satis  laudati)  partim  sinistris  opinionibus  fuissent  occupati,  partim  disputationis  vehementia  exacerbati,  rem  tantam  non  fuisse  quin  potuissent  inter  se  reconciliari.  Haec,  si  bene  memini,  tua  verba  sunt.  Verum  talem  contentionem  et  offendiculum  promeruit  mundi  ingratitudo,  qui  Christum  sibi  illucescentem  non  quo  par  fuisset  honore  ac  reverentia  excepit.  Quod  si  alter  alterum  nonnunquam  asperius  tractavit,  id  tribuendum  est  infirmitati  eorum:  qua  laborant  etiam  in  hac  vita  sanctissimi.  In  istis  enim  altercationibus  caveri  nequit,  quin  multa  non  tam  ex  animo,  quam  ex  affectu  dicantur.  Id  quod  etiam  in  hac  contentione  factum,  a  Domino  tamen  eis  condonatum,  plane  nullus  dubito.  Si  quaeris  in  quo  statu  nostrae  sint  ecclesiae  (quae  enim  tua  est  pietas,  pro  nobis  quoque  haud  dubie  es  sollicitus)  scias,  omnes  in  hoc  ducatu  pa-