13:50  Christum  pro  nobis  omnibus  diligenter  interpellabis  piis  tuis  precibus.  Opto  te  cum  tua  et  patronis  nostris,  cumprimis  reverendissimo  patre  ecclesiarum  et  ministrorum  eius5)  felicissime  valere.  Huic  communi  patri  me,  quaeso,  officiosissime  commendes.  Nostri  te  et  tuam  diligentissime  salutant.  1548.  5.  Sept.  1075.  CALVINUS  FARELLO.  Trollietus  repulsam  ulturus  iam  epistolam  Vireto  subreptam  circumfert,  et  res  ad  senatum  delata.  Coniugium  Macrini.  (Ex  autographo  quod  solum  exstat,  in  Cod.  Genev.  107a  .  fol.  290.  .  Edidit  Beza  Genev.  p.  368,  Laus.  p.  203,  Hanov.  p.  227,  Ohouet  p.  506,  Amst.  p.  231.)  Pergunt  scilicet  adversarii  suo  more,  quum  tam  impudenter  in  nos  retorquent  quidquid  peccarunt.  Sed  bene  habet,  quod  ad  fingendum  sint  tam  parum  acuti.  Quid  enim  ea,  quam  recitas,  fabula  puerilius?  Video  quidem  esse  qui  recipiant:  adeo  iuvat  eos  sinistri  aliquid  de  nohis  subinde  audire.  Sed  momento  hoc  evanescet,  ut  reliqua  eiusdem  notae:  imo  quaecunque  in  officina  sua  fabricant  tales  artifices.  Mecum  ita  bellum  geritur,  ut  te  ad  opem  ferendam  nolim  frustra  accersere.  Palam  enim  non  pugnant  hostes:  quia  hactenus  non  successit.  Sed  clandestinis  susurris  conantur  multorum  animos  paulatim  a  me  alienare.  Qua  in  re  nonnihil  proficiunt.  Trollietus  ille,  qui  ministerium  ambiebat,  repulsae  vindictam  quam  potest  exsequitur.  Primus  illi  actus  fuit  in  suscipiendo  cruciatorum  patrocinio.  O  Tunc  a  me  exceptus,  ut  decuit,  et  magno  cum  ludibrio  etiam  factionis  suae  vexatus:  nunc  literas,  quas  Petro  famulus  est  furatus,  per  cauponas  circumfert.  Aiunt  autem  scriptas  ante  quinquennium  fuisse.2)  Ego,  ut  ostendam  nos  non  nisi  ingenue  agere,  brevi  in  lucem  protra-  5)  Utrum  Granmerum  an  Lascum  significet  tibi  diiudicandum  permittimus.  Nos  priorem  potius  ei  obversatur^  crediderimus.  1075.  1)  La  faction  des  croises  (Ruchat  V.  362).  Sic  adversarios  appellat,  nomine  iam  pridem  Genevae  trito,  quum  iam  dudum  ante  eius  adventum  sabaudica  factio  et  qui  libertatem  urbis  vindicare  studebant,  mamelucorum  et  cruciatorum  nomine  venirent,  lam  hi  libertatem  aliam  affectabant.  2)  N.  613.  4