1:50  [CO  1.  50]  cordiam  Dei  confugiant,  in  hanc  se  toti  reclinent,  in  hanc  se  abdant, [p. 89]  hanc  unam  pro  iustitia  et  meritis  arripiant,  quae  omnibus  in  Christo  exposita  est,  quicunque  eam  vera  fide  et  expetunt  et  expectant.  Deinde,  quatenus  Deum  fore  ultorem  declarat,  poenam  transgressoribus  constituit,  mortem  ac  iudicium  minatur,  huc  prodest,  ut  qui  nulla  iusti  rectique  cura,  nisi  coacti  tanguntur,  coerceantur  saltem  poenarum  formidine.  Coercentur  autem,  non  quod  interior  eorum  animus  permoveatur,  aut  afficiatur,  sed  quia  tanquam  iniecto  freno  manus  ab  exteriori  opere  continent,  suam  pravitatem  intus  cohibent,  quam  alioqui  petulanter  effusuri  erant.  Ex  eo  nec  meliores  quidem  sunt,  nec  apud  Deum  iustiores;  nam  tametsi  vel  terrore,  vel  pudore  impediti,  exercere  non  audent,  quod  animo  conceperunt,  nec  pro  sua  libidine  furere;  cor  tamen  non  habent  compositum  ad  timorem  et  obedientiam  Dei,  imo  quo  magis  sese  retinent,  hoc  magis  intus  accenduntur,  fervent  et  ebulliunt,  parati  quidvis  facere,  et  quovis  prorumpere,  nisi  hic  terror  legis  obstaret.  Nec  id  solum,  sed  legem  quoque  ipsam  pessime  oderunt,  et  Deum  legislatorem  execrantur,  ut,  si  possent,  eum  tollere  maxime  velint,  quem  nec  recta  iubentem,  nec  suae  maiestatis  contemptores  ulciscentem  ferre  possunt.  Sed  tamen  haec  coacta  expressaque  iustitia,  necessaria [p. 90]  est  publicae  hominum  communitati,  cuius  tranquillitati  sic  consulitur,  dum  cavetur  ne  omnia  tumultu  permisceantur,  quod  fieret  si  omnibus  omnia  licerent.  Postremo  et  fidelibus,  quorum  in  cordibus  iam  viget  ac  regnat  Dei  spiritus,  non  mediocrem  usum  adfert,  dum  eos  magis  ac  magis  assidue  admonet,  quid  rectum  sit,  et  placitum  coram  Domino.  Nam  tametsi  digito  Dei  legem  scriptam  et  insculptam  habent  in  cordibus  (Ier.  31.  Hebr.  10),  hoc  est,  sic  affecti  sunt  et  animati,  ut  Domini  voluntati  obtemperare  cupiant,  hoc  tamen  proficiunt  in  lege,  quod  ex  ea  certius  in  dies  ac  melius  discunt,  qualis  sit  voluntas  Domini:  ut  si  quis  servus  iam  ita  sit  toto  animi  studio  comparatus,  ut  Domino  suo  se  approbet,  opus  tamen  habet,  ut  mores  Domini  compertos  habeat,  ad  quos  se  componat  et  accommodet.  Praeterea,  quantumlibet  spiritu  prompti  et  alacres  ad  Dei  obsequium,  carne  tamen  desides  sunt,  et  peccato  potius  quam  Deo  serviunt.  Huic  carni  lex  flagrum  est,  quo  instar  ignavi  inertisque  asini  stimuletur,  incitetur,  et  ad  opus  urgeatur.  In  summa,  lex  fidelibus  exhortatio  est,  non  quae  eorum  conscientiam  maledictione  liget,  sed  quae  pigritiam  subinde  instando  excutiat  et  imperfectionem  vellicet.  Multi,  cum  vellent  significare  hanc  [OS  63]  a  legis  maledictione [p. 91]  liberationem,  dixerunt  abrogatam  esse  legem  fidelibus;  non  quod  non  amplius  illis  iubeat,  quod  rectum  est,  sed  duntaxat  ne  sit  illis  quod  antea  erat,  hoc  est,  ne  eorum  conscientias  mortis  nuncio  confundat  et  perterreat,  ne  damnet  et  perdat.  Quem-  4