8:5  5  IOANNES  CALVINUS,  viitO  MULTIS  DOTIBUS  EXIMIO,  LAURENTIO  NORMANDIO,  S.  Quum  tibi  multis  nominibus  aliquam  laborum  meorum  partem  animo  destinassem,  hoc  opusculum  prae  aliis  eligendum  censui,  quod  ad  faciendam  eius,  quam  continet,  doctrinae  fidem,  exemplum  tuum  non  parvae  confirmationis  vice  esse  potest.  Nam  ex  quo,  relicta  patria,  huc  ad  nos  voluntarius  exsul  migrasti,  quot  et  quam  violentis  Satanae  machinis  fueris  impetitus,  nos  quidem  duo  optimi  sumus  testes:  sed  alii  quoque  non  ignorant.  Mors  patris,  quarto  post  discessum  tuum  mense,  nunciata  est.  Yenire  tibi  in  mentem  necesse  fuit,  quod  malevoli  non  tacebant,  mortis  causam  dolori  posse  ascribi,  ut  tota  invidia  in  te  redundaret.  Sequutum  est  paulo  post1)  acerbissimum  vulnus,  quod  uxor  tibi,  qualem  optimus  quisque  vir  optaret,  in  medio  aetatis  flore  erepta  est.  Hic  quoque  fieri  aliter  non  potuit,  quin  mentem  hominis  non  stupidi  percellerent  variae  tentationes.  Iam  auribus  tuis  insonabant  improborum  calumniae:  fuisse  infaustis  ominibus  e  natali  solo  extractam,  ut  miserum  spiritum  in  alieno  prope  orbe  deponeret.  Sed  animum  tuum  propius  hoc  urgebat:  aliquid  habituros  coloris,  si  consilium  tuum  tristi  eventu  a  Domino  maledictum  esse  iactarent.  Omitto  punctiones  innumeras,2)  quas  te  intus  sentire  par  fuit.  Nam  quum  grave  sit  malum  viduitas:  tali  vitae  socia  privari,  plus  quam  lugubre  tibi  fuit.  Filiolae  quoque  postremo  ad  luctus  cumulum  funus  accessit.  Interea  quoscunque  potuit  impetus,  aliunde  effudit  Satan,  ut  saucium  iam  pectus  obruendo  conficeret.  Denique,  plus  tibi  molestiarum  intra  semestre  tempus  devorandum  fuit,  quam  nonnulli,  quorum  celebrata  fuit  animi  magnitudo,  tota  vita  pertulerint.  Illa  fuit  scandalorum  moles,  tibi  Satanae  astu  in  ipsis  stadii  carceribus  opposita,  quae  te  ad  gradum  reflectendum  cogeret.  Atqui,  invicta  spiritus  Dei  virtute  fretus,  documento  aliis  omnibus  fuisti,  nullum  esse  tam  arduum  difficileque  obstaculum,3)  quod  non  eodem  eluctari  praesidio  liceat.  Et  simul  expertus  es,  quibus  suos  ad  resistendum  armis  instruere  soleat  Dominus,  quoties  ad  certamen  ipsos  vocat.  Memini,  quum  tibi  primus  indicarem  patrem  esse  mortuum,  et  exemplum  adducerem  Abrahae,  quem  patris  carnificem  vocare  poterant  aetatis  suae  homines,  quod  Thare  domo  abeuntem  sequutus  in  medio  itinere  defecerat,  te  statim  excipere:  Quum  testem  facti  tui  et  approbatorem  haberes  Deum,  impiorum  calumnias  nihil  morari:  hoc  dolere  solum,  quod  non  pater,  additus  tibi  profectionis  comes,  Abrahae  te  similem  fecisset.  Te  quidem  non  adeo  lautum  esse  ac  superbum,  ut  vel  Abrahae  socius  esse  recusares,  vel  eam  ignominiam  fugeres,  quam  Deus  summa  laude  prosequitur.  Caeterum  uxor  ipsa  prius  obitus  sui  luctum,  quam  nos  relinqueret,  mirifice  levavit  ac  mitigavit.  Nulla  enim  medicina  desiderari  aptior  potuit,  quam  heroicae  illae  voces,  quas  inter  ultimos  spiritus  edebat*  quum  apprehensa  manu  mea  gratias  Deo  ageret,  cuius  manu  in  eum  locum  esset  adducta,  ubi  tranquillo  animo  liceret  mori:  quum  superioris  vitae  sortem  animo  deplo-  1)  au  bout  de  deux  mois  2)  secrettes.  3)  destourbiers.  1*