54:5  5  SERMONS  SUR  LA  SECONDE  EPISTRE  A  TIMOTHEE.  PREMIER  SERMON.  Chap.  I,  v.  1.2.  Ia  soit  qu'en  tout  ce  que  sainct  Faul  nous  a  laisse  par  escrit,  il  nous  faille  considerer  que  c'est  Dieu  qui  a  parle  a  nous  par  la  bouche  d'un  homme  mortel,  et  que  toute  sa  doctrine  doit  estre  receue  en  authorite  et  reverence  telle  comme  si  Dieu  se  monstroit  visiblement  du  ciel,  neantmoins  il  y  a  encores  en  ceste  epistre  un  regard  special,  c'est  que  sainct  Paul  estant  en  prison,  voyant  sa  mort  prochaine,  a  ici  voulu  confermer  sa  foy,  comme  s'il  l'eust  seellee  de  son  sang.  Ainsi  donc,  toutesfois  et  quantes  que  nous  lisons  ceste  epistre,  que  l'estat  auquel  estoit  pour  lors  sainct  Paul,  nous  viene  devant  les  yeux,  c'est  ascavoir,  qu'il  n'attendoit  sinon  de  mourir  pour  le  tesmoignage  de  l'Evangile,  ainsi  qu'il  a  fait,  comme  en  portant  l'enseigne,  pour  nous  donner  tant  plus  grande  certitude  de  sa  doctrine,  et  cela  nous  touchera  plus  au  vif:  comme  a  la  verite  si  on  lit  ceste  epistre  diligemment,  on  trouvera  que  l'Esprit  de  Dieu  s'y  est  declare  en  telle  sorte,  en  telle  maieste  et  vertu,  qu'on  est  contraint  d'estre  comme  ravi.  Quant  a  moy,  ie  scay  que  ceste  epistre  m'a  autant  profite  que  nul  livre  de  l'Escriture,  et  tous  les  iours  encores  profite:  et  quand  chacun  y  regardera  songneusement,  il  n'y  a  doute  qu'il  ne  trouve  le  semblable.  Et  nous  desirons  d'avoir  un  tesmoignage  de  la  verite  de  Dieu  qui  nous  transperce  le  coeur,  nous  pouvons  bien  nous  arrester  ici.  Car  il  faudra  qu'un  homme  soit  bien  endormi,  et  plus  que  stupide,  si  Dieu  ne  besongne  en  luy  quand  il  orra  la  doctrine  qui  en  sera  tiree.  Voila  ce  que  nous  avons  a  observer  devant  qu'entrer  en  propos.  Or  cependant  nous  voyons  derechef  ce  qui  a  este  declare  en  l'autre  epistre,  c'est  ascavoir  que  S.  Paul  n'a  point  eu  ici  regard  a.  une  seule  personne,  mais  a  toute  l'Eglise  de  Dieu.  Qu'ainsi  soit,  s'il  eust  escrit  priveement  a  Timothee,  il  n'avoit  nul  besoin  de  mettre  ce  titre,  Qu*il  estoit  Apostre  selon  la  volonte  de  Dieu:  car  cela  estoit  assez  persuade  a  Timothee  qui  l'avoit  cognu  de  long