53:5  5  SERMONS  SUR  LA  PREMIERE  EPISTRE  A  TIMOTHEE.  PREMIER  SERMON.  Chap.  I,  v.  1.2.  Il  ne  nous  faut  pas  estimer  que  ceste  epistre  ait  este  escrite  par  sainct  Paul  pour  servir  a  un  homme  seul,  mais  c'est  pour  toute  l'Eglise,  comme  on  le  peut  veoir  par  le  contenu  d'icelle.  Car  Timothee  n'avoir  pas  besoin  de  beaucoup  d'advertissemens  que  sainct  Paul  fait  ici.  Il  parle  donc  plustost  a  l'occasion  des  autres  que  de  luy.  Et  mesmes  de  prime  face  on  peut  aiseement  recueillir  cela:  car  sainct  Paul  s'attribue  le  titre  ffApostre^  et  conferme  sa  vocation  envers  ceux  qui  ne  luy  eussent  point  donne  authorite  s'il  ne  se  fust  fait  cognoistre  estre  tel.  Mais  quand  il  escrit  aux  Eglises,  la  ou  desia  il  estoit  suffisamment  approuve,  il  ne  fait  que  toucher  en  brief  ce  mot  d'Apostre,  ou  il  s'appelle  simplement  serviteur  de  Dieu.  Tci  il  monstre  qu'il  ne  s'est  point  ingere  de  sa  fantasie,  mais  qu'il  a  este  ordonne  de  Dieu,  que  la  charge  luy  est  commise  par  nostre  Seigneur  Iesus  Christ.  A  quel  propos  fait-il  cela,  sinon  qu'il  a  regarde  les  autres  plus  que  Timothee?  Ainsi  donc,  nous  voyons  que  ceste  epistre  a  tellement  este  addressee  a  un  homme  qu'elle  s'addresse  aussi  a  tous,  qu'elle  doit  profiter  en  general  aux  enfans  de  Dieu:  comme  nous  verrons  plus  a,  plein  que  sainct  Paul  a  voulu  edifier  tous  ceux  ausquels  ceste  epistre  pourroit  estre  communiquee.  Et  de  faict,  il  monstre  ici  quel  est  le  vray  ordre  de  l'Eglise,  comme  la  parole  de  Dieu  se  doit  traitter,  et  a  quel  usage  elle  doit  estre  appliquee.  Il  declare  quel  est  le  devoir  d'un  chacun.  Et  ainsi  nous  voyons  qu'il  n'est  point  question  d'un  homme  particulier,  mais  qu'il  faut  que  tous  y  soyent  attentifs,  d'autant  que  c'est  a  son  Eglise  que  Dieu  a  voulu  addresser  ceste  doctrine  par  la  bouche  de  sainct  Paul.  Or  voyons  maintenant  de  quelle  forme  S.  Paul  use  en  sa  preface:  il  dit,  Pati  Apostre  de  lesus