52:5  5  ARGUMENTUM.  Philippos  urbem  esse  Macedoniae  sitam  iu  Thraciae  finibus,  satis  notum  est:  in  cuius  campis  victus  a  Caesare  fuit  Pompeius  :  deinde  ab  Antonio  et  Octavio  Brutus  et  Cassius.  Ita  Romanae  seditiones  locum  duobus  memorandis  praeliis  celebrem  reddiderunt.  Quum  Paulus  oraculo  in  Macedoniam  accitus  esset,  in  ea  primum  urbe  ecclesiam  fundavit,  quemadmodum  refert  in  actis  Lucas:  quam  non  modo  constanter  in  fide  perstitisse,  sed  etiam  temporis  successu,  et  hominum  numero,  et  virtutum  profectu  auctam  fuisse,  testis  est  haec  epistola.  Porro  haec  ad  Philippenses  scribendi  Paulo  ratio  fuit  Quum  per  Epaphroditum  pastorem  suum  illi  misissent  quae  vincto  ad  vitam  tolerandam  aliosque  extraordinarios  sumptus  opus  erant:  non  dubium  est  quin  Epaphroditi  totum  ei  simul  statum  ecclesiae  exposuerit:  monitorque  fuerit  ad  ea  suggerenda  de  quibus  monendi  forent.  Apparet  autem  a  pseudoapostolis,  qui  tunc  passim  ad  spargendas  sanae  doctrinae  corruptelas  oberrabant,  fuisse  tentatos.  Sed  quia  in  veritate  perstiterant,  laudat  Paulus  eorum  constantiam.  Caeterum  memor  humanae  fragilitatis,  et  fortasse  monitus  ab  Epaphrodito  mature  esse  confirmandos!  ne  demum  labascerent:  admonitiones  adiungit  quales  illis  convenire  noverat.  Ac  primum  quidem  de  pio  erga  illos  animi  sui  affectu  testatus,  quo  fidem  sibi  conciliet,  de  se  ac  suis  vinculis  tractat:  ne  fractiore  sint  animo  quia  illum  captum  et