49:5  5  ARGUMENTUM.  posteritate,  quae  foederis  complementum  adspernaretur:  aut  hunc  non  esse  ilium  redemptorem  promissum,  qui  genti  israeliticae  non  melius  consuleret:  huic  quaestioni  ab  initio  noni  capitis  obviare  incipit.  Praefatus  ergo  de  sua  erga  populares  dilectione,  ne  quid  ex  odio  loqui  videatur,  simul  benigne  commemoratis  quibus  praestabant  ornamentis,  ad  tollendum  quod  ex  eorum  caecitate  oriebatur  offendiculum  molliter  delabitur.  Ac  facit  quidem  duplex  genus  filiorum  Abrahae:  ut  ostendat  non  omnes,  qui  ex  eo  secundum  carnem  descenderunt,  censeri  in  semine  ad  participandam  foederis  gratiam.  Contra,  extraneos,  si  per  fidem  inserantur,  filiorum  haberi  loco.  Cuius  rei  exemplum  in  Iacob  et  Esau  profertur.  Proinde  hic  nos  ad  electionem  Dei  revocat,  unde  totum  negotium  dependere  necessario  reputandum  est.  Porro  quum  haec  electio  sola  Dei  misericordia  nitatur,  frustra  eius  causa  quaeritur  in  hominum  dignitate.  Ex  adverso  est  reiectio,  cuius  tametsi  certa  est  iustitia,  causa  tamen  Dei  voluntate  superior  non  exstat.  Circiter  finem  capitis,  tum  vocationem  gentium,  tum  Iudaeorum  reprobationem,  prophetarum  vaticiniis  testatam  commonstrat.  Capite  decimo,  rursum  a  testificatione  sui  erga  Iudaeos  amoris  exorsus,  exprimit  inanem  operum  fiduciam  illis  exitii  causam  esse.  Et  ne  legem  obtenderent,  contra  occurrit,  lege  quoque  nos  ad  fidei  iustitiam  manu  duci.  Subiungit  hanc  iustitiam  Dei  benignitate  promiscue  nationibus  omnibus  offerri:  sed  ab  iis  demum  apprehendi,  quos  Dominus  speciali  gratia  illuminant.  Quod  autem  plures  ex  gentibus  quam  ex  Iudaeis  id  boni  assequuti  forent,  id  quoque  a  Mose  et  Iesaia  praedictum  commemorat:  quorum  alter  de  gentium  vocatione,  alter  de  Iudaeorum  induratione  aperte  vaticinatus  est.  Haerebat  adhuc  tamen  quaestio,  annon  inter  Abrahae  semen  et  alias  nationes  ex  Domini  foedere  aliquid  esset  discriminis.  Hanc  dum  vult  solvere,  primum  admonet,  ne  opus  Domini  ad  oculi  adspectum  limitetur:  quando  saepe  notitiam  nostram  electi  praetereunt.  Quemadmodum  falsus  olim  fuit  Elias,  quum  putaret  religionem  inter  Israelitas  interiisse,  superstitibus  adhuc  septem  millibus.  Deinde,  ne  conturbemur  incredulorum  multitudine,  quos  videmus  evangelium  abominari.  Demum  asseverat,  in  carnali  etiam  Abrahae  posteritate  residere  Domini  foedus  :  sed  penes  eos,  quos  Dominus  libera  electione  praedestinavit.  Tum  sermonem  ad  gentes  convertit,  ne  sua  adoptione  nimium  ferocientes,  illis  tanquam  reiectis  insultent,  quando  nulla  re  illos  excellant,  nisi  dignatione  Domini,  quae  magis  humilitatis  materia  illis  esse  debet.  (Quia  nec  illam  a  semine  Abrahae  recessisse,  quia  gentium  fide  tandem  pro-