46:5  5  SERMON  I.  et  que  nous  cognussions  ce  qui  est  bon  et  utile  pour  edifier  nostre  foy.  Or  quand  nous-nous  serons  destournez  de  cela,  il  est  certain  que  nous  entrerons  en  un  labyrinthe,  dont  iamais  nous  ne  pourrons  sortir.  D'autant  plus  donc  nous  faut  il  bien  noter,  que  pour  avoir  une  foy  bien  reglee,  et  que  Dieu  approuve,  et  qui  soit  conforme  a,  sa  verite,  il  ne  nous  faut  point  exceder  ces  bornes  yci,  et  nous  faut  assuiettir  a  ce  que  nou��  trouvons  en  ceste  verite,  si  nous  voulons  avoir  une  pleine  certitude.  Or  cependant  il  y  a  eu  encores  un  autre  vice,  c'est  que  beaucoup  de  gens  se  sont  avancez  outre  leur  mesure:  et  l'ambition  les  a  la  transportez,  qu'ils  ont  voulu  escrire  l'histoire  de  l'Evangile:  et  cependant  c'estoit  pour  rendre  les  choses  incertaines,  tellement  que  le  diable  par  tel  artifice  eust  beaucoup  trouble,  si  Dieu  ne  fust  venu  aussi  bien  au  devant.  Et  de  faict,  il  y  a  eu  des  badinages  escrits  qui  estoyent  pour  exposer  a  toute  mocquerie  et  opprobre  la  foy  Chrestienne,  sinon  que  Dieu  (comme  i'ay  dit)  eust  desploye  sa  vertu,  afin  que  la  verite  demeurast  en  son  entier,  et  qu'elle  fust  receue  en  telle  reverence  qu'elle  merite.  Et  encores  auiourd'huy  nous  voyons  que  tant  de  gens  sont  poussez  de  ceste  convoitise  d'escrire,  que  ce  qui  avoit  este  bien  enseigne  et  fidelement,  sera  obscurci.  Car  chacun  pour  se  faire  valoir  desguise  ce  qui  auparavant  avoit  este  enseigne  en  bonne  simplicite.  Cela  donc  fust  advenu.  Et  mesmes  en  partie  le  diable  s'y  est  efforce,  comme  nous  avons  dit.  Car  depuis  le  temps  des  Apostres  il  y  a  eu  des  escrits  si  vileins,  que  c'est  une  chose  pour  faire  dresser  les  cheveux  en  la  teste  a  tout  le  monde.  Or  Dieu  cependant  a  conserve  sa  pure  verite.  Car  l'Eglise  ne  peut  consister,  sinon  qu'elle  ait  une  doctrine  certaine,  et  infallible,  a  laquelle  elle  s'arreste,  et  qu'elle  scache  que  ceste  doctrine  n'a  point  este  forgee  en  la  boutique  des  hommes:  mais  qu'elle  procede  de  Dieu.  Il  faloit  bien  donc  qu'il  y  eust  approbation  certaine,  afin  qu'on  discernast  entre  le  blanc  et  le  noir,  et  que  toutes  les  tromperies  et  mensonges  de  Satani  trebuschassent,  et  que  les  fideles  se  teinssent  et  s'appuyastent  du  tout  sur  ce  que  l'Esprit  de  Dieu  avoit  dicte  a  ses  serviteurs.  Et  voyla  pourquoy  S.  Luc  en  ceste  preface  que  nous  avons  leue,  dit  que  plusieurs  se  sont  entremis  de  faire  mention  et  recit  des  choses  qui  estoyent  cognues  aux  vrais  disciples  de  nostre  Seigneur  Iesus  Christ.  Or  cependant  il  monstre  qu'il  faut  avoir  une  autre  certitude,  et  meilleure  que  d'adiouster  ainsi  foy  a,  cestuy-ci,  ou  a  cestuy-la,  qui  s'ingerent  de  leur  propre  authorite,  sans  avoir  charge  expresse  de  Dieu,  et  qui  ne  sont  point  deputez  a,  cela.  Ii  ne  faut  point  donc  que  la  foy  des  enfans  de  Dieu  voltige  ainsi,  et  qu'elle  soit  en  branle:  mais  qu'elle  ait  un  fondement  immuable,  sur  lequel  elle  s'arreste.