43:5  5  CAPUT  I.  quae  vobis  finxistis,  sunt  mera  lupanaria:  Deus  non  alibi  elegit  sibi  domicilium  quam  in  monte  Sion:  illic  est  perpetua  eius  quies.  Bugiet  ergo  Dominus  e  monte  Sion.  Videmus  quorsum  tendat  propheta.  Hic  enim  non  tantum  ostendit  se  habere  Deum  autorem  suae  doctrinae,  sed  simul  discernit  verum  Deum  ab  idolis,  quae  prior  Iarobeam  fabricaverat,  quum  scilicet  vellet  hac  astutia  abducere  decem  tribus  a  domo  David,  et  prorsus  alienare  a  tribu  Iehudah  :  tunc  erexit  vitulos  in  Dan  et  Beth-el.  Propheta  ergo  Amos  ostendit  damnari  illas  superstitiones  a  vero  Deo.  Iehova  ergo  rugiet  e  Sion,  edet  vocem  suam  e  Ierusalem.  Hic  non  dubium  est  quin  terrere  voluerit  Israelitas,  qui  putabant  sibi  esse  pacem  cum  Deo.  Quum  ergo  abuterentur  eius  patientia,  nunc  dicit  Amos  tandem  sensuros  illum  non  dormire.  Ubi  ergo  Deus  pertulerit  vestras  iniquitates  longo  tempore,  tandem  consurget  in  iudicium.  Per  rugitum  heri  diximus  notari  vocem  Dei  horrificam  :  sed  propheta  potius  de  voce  Dei  loquitur,  quam  de  ipsis  actualibus  (ut  loquuntur)  iudiciis,  ut  discant  Israelitae  exempla  poenarum,  quae  Deus  exercet  in  mundo,  neque  fortuito,  neque  repente  contingere,  sed  pendere  a  minis.  Denique  hic  significat  propheta,  omnes  poenas,  quas  Deus  exigit  de  impiis,  et  verbi  sui  contemptoribus,  nihil  aliud  esse  quam  exsequutiones  eius  doctrinae  quam  prophetae  promulgant,  ut  scilicet,  si  qua  sit  spes  resipiscentiae,  praeveniant  homines  interitum,  quem  propinquum  esse  audiunt.  Ergo  honorifice  propheta  hic  commendat  vim  doctrinae,  dicens  non  esse  evanidam,  sed  coniunctam  esse  cum  suo  effectu:  quia  ubi  perdit  gentes  et  regna,  non  aliunde  hoc  oritur,  quam  ex  prophetiis.  Deus  ergo  edet  vocem  suam  a  Ierusalem,  deinde,  et  lugebunt.  ^DK  significat  lugere,  significat  etiam  vastari,  et  perire.  Uterque  sensus  non  male  quadrabit  praesenti  Ioco.  Si  legimus,  lugebunt  habitacula,  vertendum  postea  erit,  et  pudefiet  caput  Carmeli,  vel  vertex.  Si  autem  legimus,  disperibunt  habitacula  pastorum,  verbum  tfiQ\  vertendum  erit,  arescet:  et  quia  scimus  opima  fuisse  pascua  Carmeli,  mihi  magis  probatur  haec  secunda  interpretatio:  arescet  igitur  vertex  Carmeli.  Ideo  priore  loco  dicendum  erit:  et  disperibunt  habitacula  pastorum.  Quantum  ad  summam  rei  spectat,  tenemus  quid  velit  propheta,  nempe  quidquid  et  amoenum  et  pretiosum  erat  in  regno  Israel,  iam  periturum  brevi,  quia  Deus  vocem  suam  emittet  e  Sion.  Summa  igitur  huc  redit,  vos  nunc  iacetis  securi,  sed  Deus  statim,  et  quidem  repente  proferet  virtutem  suam  ad  vos  perdendos,  idque  faciet,  quia  iam  per  me  interitum  vobis  denuntiat,  et  excitabit  alios  prophetas,  qui  praecones  erunt  huius  vindictae:  illam  exsequetur  Deus  per  extraneos  et  profanos  homines:  sed  tamen  pendebit  vester  interitus  ab  istis  minis,  quas  nunc  ducitis  pro  nihilo.  Putatis  enim