42:5  5  SUR  LE  XI.  CHAP.  DE  DANIEL.  desia  un  fils  masle  et  sa  femme  enceinte.  Voila  un  ieune  homme  qui  ha  desia  lignee,  il  ha  ses  parents,  il  ha  une  famille  bien  fondee,  et  toutesfois  il  est  adore  comme  une  idole,  qu'il  est  tellement  transporte  d'orgueil  et  d'ambition,  qu'il  ne  cuide  plus  estre  homme  mortel,  qu'un  chacun  est  ravi  de  sa  maieste,  et  de  sa  vertu  invincible:  il  faut  que  tout  cela  soit  mis  bas,  que  son  royaume  soit  espandu,  par  les  quatre  vents  du  ciel:  quand  tout  cela  s'est  accompli,  on  a  bien  veu  que  c'estoit  un  acte  de  Dieu  merveilleux,  il  est  vray  que  les  hommes  y  ont  bien  besongne  de  leurs  mains,  mais  il  y  ha  un  conseil  qui  surmonte  tout  cela.  Ainsi  donc  il  nous  faut  bien  poiser  cette  circonstance,  et  comment  son  royaume  a  il  este  disperce  par  les  quatre  vents  du  ciel,  il  faut  que  nous  poursuivions  les  histoires  ou  autrement  nous  ne  pourrons  pas  voir  le  but  ou  Dieu  ha  pretendu,  et  pourquoy  il  ha  declare  ceci  par  son  ange  a  son  prophete  Daniel,  et  pourquoy  il  ha  voulu  qu'il  nous  fust  declare  a  tous,  et  ne  pensons  point  que  ce  soit  temps  perdu,  que  ces  histoires  ici  soient  recitees.  Il  est  vray  que  si  nous  lisons  aux  histoires  prophanes,  nous  ne  serons  pas  instruits  des  choses  pour  en  faire  grandement  nostre  profit,  combien  que  beaucoup  s'y  arrestent  sans  regarder  plus  outre,  mais  le  principal  est  que  nous  connoissions  les  iugements  de  Dieu  entre  les  hommes,  que  nous  regardions  les  punitions  qui  se  font  sur  les  cruautes,  sur  l'orgueil,  et  les  autres  exces  qui  se  commettent  et  qui  sont  desbordee  au  monde,  que  nous  soions  sur  cela  enseignes  a  le  craindre  et  a  Phonnorer,  que  toute  ambition  soit  abbatue  en  nous,  que  nous  apprenions  de  nous  contenter  du  peu  que  Dieu  nous  donnera,  que  nous  le  remercions  de  ce  qu'il  nous  fait  la  grace  de  voir  ses  iugements,  aux  plus  grands  qui  aient  iamais  este.  Or  ceci  nous  est  monstre  par  le  prophete  Daniel:  il  faut  donc  en  premier  lieu  que  nous  connoissions  ce  qui  est  ici  dit  que  le  royaume  d'Alexandre  le  grand  sera  espandu  par  les  quatre  vents,  et  non  point  (dit-il)  a  sa  lignee.  Si  Alexandre  le  grand  eust  laisse  des  enfans  descendus  de  soy,  et  que  cette  grande  monarchie  qu'il  avoit  conquestee,  eust  este  partie  entre  eux,  c'eust  desia  este  une  diminution  de  cette  grande  principaute,  mais  notamment  il  est  dit  que  sa  lignee  ne  diminuera  pas  apres  sa  mort.  Or  si  est  ce  qu'a  sa  mort  il  feist  le  plus  grand  triumphe  qu'il  avoit  iamais  eu,  car  les  ambassades  estoient  venus  en  Babilonne,  des  pays  si  loingtains,  que  iamais  on  ne  l'eust  attendu,  mesmes  d'Afrique  et  d'autre  pays,  tellement  qu'il  semble  bien  qu'Alexandre  doive  monter  en  ses  grands  triumphos,  sur  cela  une  ivrongnerie,  ou  un  empoisonnement,  car  on  ne  scait  comment  il  meurt,  ou  s'il  est  estouffe  par  trop  boire,  ou  s'il  est  empoisonne,  tant  y  ha  (di-ie)  qu'un  banquet