40:5  5  PROLEGOMENA.  Praelectiones  in  Ezechielem  ultimae  fuerunt  quas  Io.  Calvinus  ss.  literarum  studiosis  obtulit,  inchoatas  scilicet  sed  non  absolvendas.  Ceste  annee-la  (1563.  Verba  sunt  Colladoni  in  Vita  Calvini  ed.  nostrae  XXI.  95)  ayant  acheve  les  Lamentations  de  Ieremie  le  19  de  Ianvier,  il  commenca  le  lendemain  le  Prophete  Ezechiel.  Continuavit  quidem  per  totum  illum  annum,  ita  quidem  ut  non  nisi  alternis  hebdomadibus  ternis  diebus  interpretis  officio  fungeretur,  et  hoc  modo  lentius  procederet.  Nam  idem  autor  narrat  die  secunda  Februarii  1564,  postquam  ultima  vice  suggestum  ascenderat  pro  concione,  ultima  quoque  auditorium  academicum  intrasse.  Opus  itaque  hoc  exegeticum  demum  post  obitum  eius,  adeoque  imperfectum,  edi  potuit.  In  summa  continet  substantiam  sexaginta  et  quinque  lectionum  quas  duumviri  Io.  Budaeus  et  Car.  Ionvillaeus  calamo  exceperant,  eo  modo  quem  tibi  in  Prolegomenis  in  Ieremiam  descripsimus.  In  Thesauro  epistolico  nostro  semel  tantum  harum  praelectionum  mentio  fit,  nec  abs  re  erit  hic  inserere  quae  iuvenis  aliquis  Gallus  suis  affinibus  de  iis  scribebat  a.  d.  VI.  Cal.  Mart.  1564,  ergo  quo  tempore  Calvinus  iam  finem  legendi  fecerat,  spes  tamen  aliqua  convalescentiae  animos  collegarum  et  discipulorum  suspensos  tenebat.  Perrotus  Danielibus  (N.  4081  Opp.  XX.  259)  haec  inter  alia:  Bonus  ille  noster  praeceptor  communesque  parens  assidue  ex  Ezechiele,  quem  in  manibus  habet,  recitare  solet:  id  est,  ex  instituto  huius  anni,  primis  tribus  diebus  singularum  hebdomadarum,  una  semper  interposita,  qua  vicissim  Theodorus  noster  XOT/JX^SW  ex  graeco  enarrat,  primis  quoque  tribus  tantum  diebus  hebdomadis  suae.  Nam  tribus  ultimis  uterque  semper  feriatur  (Calvinus)  ex  morbo  vix  suam  vicem  constanter  obire  potest.  Iam  etiam  hoc  loco  addenda  videtur  subscriptio  quae  in  editionibus  impressis  ad  calcem  libri  iegitur.  Ea  nempe  sic  decurrit:  Hac  ultima  praelectione  absoluta,  quum  antea  quoque  iam  aegrotaret  clarissimus  vir  D.  Ioannes  Calvinus,  tum  vero  coepit  multo  gravius  habere,  ut  coactus  in  lecto  decubuerit,  nec  ulterius  potuerit  in  Ezechielis  explicatione  progredi.  Haec  ratio  est  cur  sub  finem  20.  capitis  substiterit,  et  opus  feliciter  inchoatum  non  perfecerit.  Superest,  optime  lector,  ut  aequi  bonique  consulas  quidquid  tua  gratia  nunc  in  lucem  emittitur.  Plura  praebet  praefatio  Ionvillaei  quam  tecum  communicando  operae  pretium  nos  facturos  nulli  dubitamus.  CAEOLUS  IONVILLAEUS  OMNIBUS  VERE  CHRISTIANIS  LECTORIBUS  S.  Quanquam  ornatissimus  ac  fidissimus  pastor  noster  Theodorus  Beza,  pro  singulari  qua  pollet  dexteritate,  et  felici  ingenio  nihil  omisisse  videtur,  edita  in  has  praelectiones  ad  generosissimum  virum  et  miranda  pietate  insignem  Galliae  Amiralium  praefatione:  tamen  quae  nunc  obiter  a  me  referentur