39:5  5  IN  IEREMIAM.  CAP.  XXXII.  Certum  enim  est  mortuum  fuisse  Babylone.  Et  quia  eius  conditio  non  legitur  in  melius  conversa  esse,  sicuti  Ioakim  e  squalore  carceris  eductus  ad  mensam  regis  accubuit,  expositio  illa  primo  intuitu  probabilis  est,  ad  mortem  usque  confectum  fuisse  egestate  et  ignominia.  Videtur  tamen  potius  aliqua  promitti  levatio,  nisi  forte  species  mortis  beneficii  loco  censeatur:  quia  gladio  non  interiit.  Etsi  autem  non  reversus  est  in  patriam,  nihil  tamen  absurdi  est  in  hac  loquendi  forma,  quod  fuerit  in  exsilio  usque  ad  visitationem,  quia  nihil  potest  inde  ferri,  deinde  videbimus  postea  datum  fuisse  hoc  mortuo  ut  honorifice  et  cum  luctu  sepeliretur.  Non  mirum  igitur  est  quod  Deus  hic  tempus  gratiae  designat,  tametsi  nunquam  in  patriam  reductus  est  Zedechias,  et  scimus  erutos  fuisse  eius  oculos  a  rege  Nabuchadnezer.  Nam  coactus  fuit  causam  dicere,  et  damnatus.  Caeterum  hoc  Dei  beneficium  tamen  non  abs  re  commendatur,  quod  tandem  eum  Nabuchadnezer  clementius  tractavit,  quantum  ex  sepultura  coniicere  licet:  Dicit  ergo,  Babylonem,  ducet  eum  Nabuchadnezer',  et  erit  illic  usque  dum  visitavero  illum,  id  est,  manebit  exsul  in  poedore  carceris,  et  illic  esuriet,  et  destituetur  omni  auxilio:  erit  quasi  unus  e  postremis,  denique  trahet  vitam  ignominiose  usque  ad  tempus  visitationis  meae.  Tandem  addit,  Quum  praeliati  fueritis  adversus  Chaldaeos,  non  cedet  vobis  prospere.  Hic  occurrit  propheta  stultis  cogitationibus,  quae  adhuc  poterant  Iudaeos  inflare  ne  be  subiicerent  Deo,  et  humiliarentur  sub  forti  eius  manu.  Erat  enim  non  parva  hominum  multitudo:  urbs  autem  habebat  firmas  munitiones.  Quum  ergo  viderent  se  instructos  esse  viribus  et  copiis,  adhuc  superbiebant  :  deinde  obduruerant  ipso  temporis  progressu.  Nam  sustinuerant  longo  tempore  obsidionem.  Quum  primum  irruunt  hostes,  omnium  animos  occupat  formido:  sed  si  eventus  hostes  frustretur,  tunc  incipiunt  qui  ante  trepidaverant  colligere  animos.  Id  accidit  Iudaeis:  quum  enim  cincta  fuisset  urbs  ab  exercitu  chaldaico,  non  dubium  est  quin  miseri  illi  exhorruerint:  sed  postquam  viderunt  hostes  subsistere,  et  nihil  proficere  suo  conatu,  tunc  magis  ac  magis  obstinarunt  animos.  Notandum  enim  est  quod  heri  dixi,  obsessos  fuisse  quo  tempore  oblata  fuit  Ieremiae  haec  visio,  forte  per  sex  vel  octo  menses.  Hinc  igitur  plus  confidentiae.  Sed  propheta  refellit  hanc  stultitiam  quum  dicit,  Praeliamini  adversus  Chaldaeos,  sed  eventus  semper  erit  infelix.  Deus  ergo  semper  vos  prosternet  coram  hostibus,  quia  cum  ipso  vobis  bellum  est.  Haec  summa  est  praefationis,  quod  scilicet  Ieremias  tunc  clausus  fuerit  in  carcere,  nec  rex  a  sua  contumacia  destiterit,  quanquam  ipsum  premebat  Dei  manus:  deinde  exprimitur  causa,  nempe  quod  libere  minatus  fuerit  tam  regi  quam  urbi,  et  denuntiaverit  instare  illis  Dei  vindictam,  donec  rex  ipse  abductus