38:5  5  IN  IEREMIAM.  CAP.  VIII.  6  errore  suo,  statim  respicit  ad  viam.  Hoc  fieri  solet.  Quid  ergo  sibi  vult  tanta  stupiditas,  quod  populus  Ierosolymae  non  resipiscit,  quum  tamen  debuerit  pridem  agnoscere  lapsum  suum  et  errorem?  Quisquis  sine  contentione  attendent  ad  prophetae  sermonem,  agnoscet  hunc  esse  genuinum  sensum  :  quia  secundo  versu  dicit,  Cur  populus  hic  Ierosolymae:  incipit  nunc  primum  loqui  de  populo,  ut  satis  apparet.  Sequitur  ergo  superiorem  versum  non  debere  ad  populum  restringi,  sed  illic  poni  communem  sententiam.  Denique  hic  amentiam  populi  coarguit  Ieremias,  quod  non  sequatur  saltem  eos,  qui  vel  ceciderunt,  vel  declinarunt  a  via  per  errorem.  Nam  hoc  naturaliter  ingenitum  est  omnibus,  ne  sponte  in  malis  suis  pereant.  Qui  ergo  cecidit,  ille  conatur  statim  resurgere:  qui  viam  suam  deseruit,  postea  si  potest,  tentat  ad  ipsam  redire.  Hoc  ergo  quod  solent  stultissimi  quique  facere,  cur  non  imitatur  populus?  inquit  Ieremias.  Ergo  ostendit  hac  comparatione  hominum  esse  prodigia,  quoniam  pertinaciter  inhaereant  suis  sceleribus,  neque  illis  veniat  in  mentem,  spem  esse  reconciliationis  si  ex  animo  ad  Deum  se  convertant.  Et  emphatice  ponit  nomen  Ierosolymae:  quia  si  tanta  fuisset  obstinatio  vel  apud  Chaldaeos,  vel  apud  Aegyptios,  fuisset  quidem  hoc  inexcusabile,  sed  non  adeo  mirum.  Ubi  autem  populus,  cui  lex  destinata  est,  et  cui  Deus  familiariter  patefecit  salutis  doctrinam:  ubi  ergo  populus  ille  ita  obduruit,  ut  abiiciat  omnes  admonitiones,  nonne  hoc  est  portentosum?  Tandem  adiungit  ipsos  esse  rebelles  rebellione  pertinaci,  hoc  est,  non  tantum  levitate,  vel  incogitantia,  vel  subita  aliqua  cupiditate  fuisse  alienatos  a  Deo,  sed  ita  pertinaciter  ut  frustra  omnem  operam  consumant  prophetae  in  illis  docendis  et  hortandis:  ideo  vocat  rebellionem  fortem,  quamvis  hic  sumatur  pro  perpetua,  ut  aliis  multis  locis.  Causam  autem  assignat,  quod  scilicet  apprehenderint  fraudem,,  id  est,  mordicus  adhaeserint  fraudi.  Verum  fraudem  accipit  propheta,  non  qua  fallitur,  aut  circumvenitur  proximus,  sed  hypocrisin,  qua  se  ita  excaecant  homines  ut  nolint  aut  attendere  ad  verbum  Dei,  aut  oculos  aperire  ad  claram  lucem.  Ubi  igitur  ita  se  demergunt  homines  certa  malitia  in  tenebras,  dicuntur  apprehendere  fraudem:  quemadmodum  Psal.  32  (v.  2)  quum  David  praedicat  beatum  esse  hominem,  in  cuius  spiritu  non  est  dolus,  non  accipit  dolum,  ut  communiter  solemus:  sed  accipit  pro  corde  duplici.  Nam  dixerat  prius  beatos  esse,  quibus  remissa  sunt  peccata,  quibus  non  imputatur  iniquitas:  adiungit  explicationis  causa,  modo  non  sit  dolus  in  spiritu.  Quare?  nam  profani  homines  videntur  sibi  esse  beati:  neque  enim  sentiunt  suam  miseriam,  quoniam  obtecti  sunt  suis  involucris.  Ille  est  dolus  de  quo  loquitur  David.  Eodem  sensu  dicit  propheta  noster  eos  fraudem  apprehendisse,  qui  ita  sunt  involuti  tene-