34:5  5  IOB  CHAP.  XVI.  6  pourront  pas  eschapper  de  sa  main:  combien  qu'ils  ayent  grande  suite  et  grande  bande,  que  Dieu  destruira  tout.  Mais  quoi?  Quand  on  veut  appliquer  ce  propos  a  Iob,  e'est  lui  faire  a  croire  qu'il  a  Dieu  pour  son  ennemi,  d'autant  qu'il  est  meschant,  qu'il  n'y  a  aussi  eu  qu'hypocrisie  en  luy.  Voila  un  propos  qui  est  mai  approprie.  Ce  n'est  point  donc  sans  cause  qu'il  dit,  Et  bien,  ces  choses  me  sont  cognues,  et  maintenant  si  i'en  avoye  besoin,  ie  m'en  serviroye:  mais  il  n'est  point  question  de  ceci.  Car  Iob  avoit  ceste  apprehension  qu'il  n'estoit  pas  afflige  a  cause  de  ses  pechez,  que  Dieu  n'avoit  point  un  tel  regard:  non  point  qu'il  ne  se  sentist  coulpable  et  digne  d'endurer  encores  plus,  quand  Dieu  l'eust  voulu  examiner  a  la  rigueur:  mais  cependant  il  cognoist  que  Dieu  ne  le  traittoit  point  ainsi  a  cause  de  ses  pechez,  qu'il  y  avoit  une  autre  fin.  Iob  cognoissant  cela,  reiette  les  propos  qui  lui  sont  tenus.  Et  pourquoi?  D'autant  qu'ils  sont  importuns.  Vous  m'estes  (dit-il)  consolateurs  fascheux.  La  raison?  C'est  pource  qu'ils  ne  lui  apportent  point  remedes  convenables.  Par  cela  nous  sommes  admonnestez,  quand  nous  voudrons  consoler  nos  prochains  en  leurs  tristesses  et  fascheries,  de  n'y  point  aller  a  la  volee:  comme  il  y  en  aura  beaucoup  qui  n'auront  iamais  qu'une  chanson,  et  ils  ne  regardent  point  a  la  personne  a  laquelle  ils  s'addressent,  car  il  faut  manier  l'un  autrement  que  l'autre.  Comme  s'il  y  a  quelqu'un  qui  soit  obstine  a  l'encontre  de  Dieu,  ii  faut  la  parler  d'un  autre  stile  et  langage,  qu'il  ne  faut  point  envers  une  povre  creature  qui  aura  chemine  en  simplicite.  Et  puis  selon  que  le  mal  est,  il  est  besoin  aussi  d'estre  adverti  comme  il  y  faut  proceder.  Exemple,  si  les  hommes  sont  stupides,  il  faut  crier  et  redarguer  la  nonchalance,  afin  qu'ils  apprehendent  la  main  de  Dieu,  pour  s'humilier  sous  icelle.  Il  est  donc  besoin  d'une  grande  prudence  quand  nous  voulons  consoler  comme  il  appartient  ceux  que  Dieu  afflige.  Voila  ce  que  nous  avons  a,  retenir  de  ce  passage,  quand  il  est  dit,  Que  ceux  qui  pretendoyent  consoler  Iob  estoyent  fascheux,  d'autant  qu'ils  ne  lui  apportoyent  rien  dont  il  peust  faire  son  profit.  Voila  donc  ce  que  nous  avons  a  retenir  en  premier  lieu.  Or  Iob  adiouste,  Iusques  a  quand  y  aura-il  fin  aux  paroles  de  vent  ?  Il  appelle  paroles  de  vent,  ou  il  n'y  a  nulle  fermete,  c'est  a  dire,  qui  ne  peuvent  edifier  un  homme:  comme  l'Escriture  saincte  use  de  ceste  similitude-la,  car  quand  il  est  question  qu'un  homme  soit  enseigne  pour  son  salut,  il  est  dit,  Qu'on  l'edifie.  Comment?  D'autant  qu'il  est  fonde,  et  puis  apres  qu'on  bastit  la  dessus,  tellement  qu'il  est  conferme  en  la  crainte  de  Dieu,  il  est  conferme  en  la  Loy,  il  est  conferme  en  patience  pour  porter  constamment  les  afflictions,  et  puis  il  se  resoult