29:5  5  LE  SIXIESME  SERMON  SUR  LE  CHAP.  XXXII.  V.  20.22.  DU  IEUDI  4E  DE  ITJIN  1556.  Nous  vismes  hier  comme  Dieu  est  plus  griefvement  irrite,  si  ceux  qui  le  doivent  honorer  et  servir  le  delaissent,  que  si  cela  estoit  advenu  a  des  povres  incredules  et  ignorans.  Et  non  sans  cause:  car  Dieu  nous  adopte  a  ceste  condition,  que  sa  gloire  reluise  en  nous:  et  quand  nous  luy  sommes  en  opprobre,  ne  faut-il  point  que  cela  redouble  l'offense?  Un  pere  se  voyant  mesprise  en  sa  maison  propre  de  ceux  qu'il  a  engendrez,  ne  sera-il  point  beaucoup  plus  fasche,  que  si  quelqu'un  de  ses  voisins  luy  faisoit  outrage  ?  Advisons  donc,  puis  que  Dieu  nous  a  voulu  choisir  pour  ses  enfans,  et  qu'il  nous  a  fait  cest  honneur,  duquel  nous  n'estions  pas  dignes,  de  cheminer  en  sorte  qu'il  ne  soit  point  provoque  par  nos  fautes  et  iniquitez,  et  que  ce  qui  est  ici  adiouste  par  Moyse  ne  nous  advienne  point,  c'est  assavoir:  Qu'il  eachera  sa  face.  Or  par  ce  mot  l'Escriture  entend,  que  Dieu  abandonnera  les  hommes,  apres  qu'il  aura  use  de  longue  patience  en  les  supportant,  qu'il  aura  dissimule  leurs  vices,  et  qu'il  n'aura  point  laisse  de  leur  bien  faire,  qu'il  verra  qu'ils  sont  du  tout  obstinez  et  incorrigibles:  qu'il  les  quittera  pour  tels  qu'ils  sont.  Or  tout  nostre  bien  et  felicite  gist  en  ce  que  Dieu  nous  regarde,  et  qu'il  ait  le  soin  de  nous:  car  s'il  nous  met  en  oubli,  et  qu'il  ne  daigne  pas  nous  secourir,  et  qu'il  ne  soit  point  nostre  garde,  quelle  est  nostre  condition  ?  Il  vaudroit  mieux  que  nous  fussions  peris  du  premier  coup,  que  de  languir,  estans  hors  de  la  protection  de  nostre  Dieu.  Voici  donc  une  menace  horrible,  et  qui  nous  doit  bien  faire  trembler,  quand  il  est  dit  que  Dieu,  apres  avoir  attendu  long  temps,  se  retirera,  quand  nous  l'aurons  pleinement  estrange  de  nous.  Or  nous  avons  veu  par  ci  devant,  que  Dieu  a  use  de  longue  patience,  et  que  du  premier  coup  il  n'a  point  quitte  son  peuple:  mais  a  la  longue,  si  faut-il  qu'il  monstre  qu'il  ne  veut  point  qu'on  abuse  ainsi  de  sa  bonte,  et  que