19:5  5  1561  OCTOB.  6  roche  jusques  au  Synode  suyvant.  Si  en  disant  mon  advis  je  sus  un  peu  trop  aspre  pour  faire  differer  telle  deposition,  je  ne  scay  si  un  autre  Ministre  ayant  un  compaignon  et  ne  luy  ayant  veu  commettre  faulte  auquune  jndigne  d'un  pasteur,  sil  sy  porteroit  autrement.  Et  aussi  je  regardoys  que  toute  nostre  Eglise  en  seroit  merveilleusement  troublee.  Cependant  ce  nestoit  pas  que  je  voulusse  empescher  que  le  mal  ne  fust  puny,  mais  seulement  affin  questant  mieux  jnformez  par  vous  nous  eussions  plus  grand  moyen  pour  le  conveincre.  Depuis  sont  venues  les  letres  de  Monsieur  Calvin  3)  et  quelques  unes  quil  vous  a  pleu  envoyer  avant  que  les  jures  ayent  eu  le  moyen  de  vous  escrire.  Par  icelles  son  faict  est  plus  amplement  declare:  Si  tout  sur  le  champ  nostre  Eglise  seule  ou  le  colloque  eust  voulu  deposer  Villeroche,  nous  eussions  este  reprins  par  le  Synode,  qui  avoit  (comme  jay  dict)  baille  conge  audiet  Villeroche  de  prescher  jusques  au  premier  Synode.  Parquoy,  Monsieur,  quant  a  ce  quon  vous  peult  avoir  raporte  que  nous  voulions  estre  comme  schismatiques,  et  nous  separer  comme  de  lunion  des  Eglises,  il  me  semble  quon  me  faict  tort  et  a  toute  mon  Eglise.  Car  quant  est  de  moy  tant  s'en  fault  que  jaye  et  que  je  veille  desunir  et  separer  quen  mon  endroit  comme  les  autres  je  tasche  de  rallier,  et  le  seigneur  ma  faict  tant  de  graces  (ce  que  je  neusse  ose  esperer  pour  le  moins  si  tost)  quen  nostre  ville  et  deux  lieux  tout  a  lentourt  la  parole  y  est  tellement  que  toutes  idolatries  et  superstitions  en  sont  chassees.  Quant  est  de  mon  Eglise  tant  sen  fault  aussi  qu'aucun  dicelle  veille  empescher  ce  qui  est  de  faire  touchant  Viileroche,  ny  par  ce  moyen  se  separer  d'avec  les  autres  Eglises,  qu'elle  est  preste  de  se  submettre  a  ladvis  qui  en  sera  donne.  Et  ce  que  maintenant  il  est  encores  avec  moy  preschant  en  cest  Eglise,  cest  daultant  que  nous  attendons  que  le  Synode  s'assemble.  Voila,  Monsieur  et  pere,  ce  que  maintenant  je  vous  escrips  a  la  haste,  \ous  priant  et  ensemble  tous  les  autres  freres  et  peres  ausquels  il  vous  plaira  presenter  mes  treshumbles  recommandations  ne  m'avoir  en  mauvaise  estime  pourtant,  priant  le  seigneur  quil  vous  maintienne  en  sa  garde  et  protection.  Escript  a  Bragerac  4)  ce  1.  d'Octob.  1561.  Le  tout  vostre  tresobeissant  filz  et  serviteur  Bordat.  4)  Bergerac.