16:5  5  1556  IANUAR.  6  cum  ipsorum  asseclis,  quum  in  doctrina  tum  in  vita  et  conversatione:  deinde  quid  illos  ad  tales  turbas  incitarit,  quo  modo  fuerit  Hieremias  tractatus  a  Iudaeis  ete.  Haec  interea  omnia  facio  citra  dentem,  quantum  fieri  potest,  et  quantum  res  ipsa  fert.  Hoc  perpetuo  prae  oculis  habeo,  ut  vera  dicam  quae  a  nullo  inficiari*  possunt.  Nam  rem  omnem  uti  gesta  est  simpliciter  narro  absque  fuco  aut  mendacio  aliquo.  Imo  et  multis  honoris  gratia  parco,  qui  tamen  rudi  ac  severo  pectine  digni  essent.  Hoc  autem  facio  non  tam  ut  causam  meam  privatam  quam  Christi  Domini  mei  et  ecclesiae  atque  mei  ministerii  tuear  ac  vindicem.  Etenim  si  de  illis  ulcisci  cuperem,  possem  egregie,  et  corpus  una  cum  fortunis  perdere.  At  absit  ut  ei  gloriam  auferam  qui  dicit  :  Mihi  vindictam  *  et  ego  caett.  Quod  si  putarem  hoc  meum  institutum  non  promovere,  sed  potius  impedire  gloriam  Christi  mei  aut  salutem  et  aedificationem  ecclesiae,  ego  potius  igni  quam  typographo  scriptum  hoc  meum  traderem.  Minuatur  Garnerius  et  crescat  Christus!  Pereat  ut  vivat  ille,  quoniam  sic,  dum  perit  pro  Christo,  servatur  cum  Christo.  Hoc  inprimis  spectare  debemus,  gloriam  Christi  et  salutem  proximi:  quod  et  me  spectasse  puto  in  hoc  meo  libello.  At  quoniam  quisque  caecus  est  in  propria  causa,  vestrum  iudicium  atque  consilium  peto,  in  quo  polliceor  me  mansurum  omnino.  Agnosco  enim  vos  quales  hactenus  agnovi,  nempe  patres  ac  praeceptores  meos  carissimos,  quibus  me  ipsum  debeo  in  Christo  Iesu.  Itaque  ut  mihi  respondere  dignemini  precor,  et  per  servatorem  nostrum  Christum  Iesum  obsecro.  Ego  ero  Francfordiae  in  proximis  nundinis  favente  Deo:  ibi  spectabo  *  rssponsum.  Caeterum  ego  aliquando  per  occasionem  loquutus  sum  cum  illustrissimo  principe  meo  de  consilio  nationali  habendo  pro  concordia  ecclesiarum,  4)  praesertim  in  causa  sacramentali,  uti  olim  factum  est  Marburgi,  et  ut  vocarentur  doctissimi  viri  ab  utraqua  parte.  Inter  caeteros  nominavi  D.  Calvinum  et  Bullingerum,  quos  etiam  in  summo  pretio  habet,  ut  par  est.  Nam  et  de  utroque  honorificentissime  loquitur.  At,  inquit  ille,  hoc  fieri  non  potest,  nec  expedit,  hoc  praesertim  tempore  turbulentissimo.  Dicit  praeterea  indicta  esse  rursus  comitia  Tridenti  ad  Kal.  Aprilis,  adfuturosque  doctissimos  etiam  ex  Helvetiis  aliquot.5)  Ego  nolui  ulterius  urgere.  Exspectabo  finem  istorum  comitiorum,  tunc  rursum  per  occasionem  loquar,  atque  si  quid  subolfecero  4)  Philippus  e  captivitate  liberatus  pristinos  suos  de  conciliandis  protestantium  partibus  conatus  denuo  assumpsisse  videtur.  5)  Falsus  hic  rumor.  Paulus  IV.  minime  de  redintegrando  concilio  cogitabat,  et  si  vel  cogitasset  protestantes  nunquam  advocasset