12:5  5  1545  IANUAR  6  dolor  ingens:  ni  enim  Iesus  Christus  adsit  huic  ecclesiolae  praesens  imminet  dissipatio.  Tragoediam  integram  scripsissem  lubens,  sed  discessus  festinatior  nostri  fratris  Nicolai  impedit.  Ego  etiam  cupio  finem  videre,  utinam  bonum.  Accipe  autem  quid  hoc  biduo  sit  actum.  Quum  pauci  aliquot  homines,  partim  novi  adeoque  morum  ignari  et  omnis  disciplinae,  partim  factiosi  et  rebelles,  totam  ecclesiam  turbassent,  ac  viderem  propter  illos  paucos  novos,  sane  bonos  et  pios,  si  ita  licet  ex  aliquo  convictu  et  consuetudine  iudicare,  propter  illos,  inquam,  ubi  animadvertissem  D.  Sturmium  *)  et  Sevenum  2)  fovere  causam  iniquissime,  uti  iudicarat  iam  saepius  D.  Bucerus,  tandem  convocatis  nudius  tertius  symmystis  et  Ioanne  Garnerio,8)  convenit  inter  nos  ut  aliquis  ordo  servaretur  in  ecclesia,  neque  tanta  licentia  plebi  in  totum  ministerium  concederetur.  Itaque  constitutum  inter  nos  fuit  ut  singuli  ordine  per  totam  hebdomadam  quotidie  concionaremur.  Et  quoniam  is  Garnerius  venerat  postremus,  ac  nos  optabamus  purgari  apud  nos  quod  non  esset  is  Baptista  Vacineius  qui  aliquem  ministrum  a  sana  doctrina  voluisset  avertere  (nam  antea  semel  rogatu  ecclesiae  quod  esset  illi  nomen,  respondit  :  Baptista  Bacinetus,  unde  mihi  illa  suspicio  incessit  ut  peterem  id  purgari  omnino,  prius  quam  ad  ordinarium  ministerium  cum  caeteris  admitterem)  :  deinde  etiam  ut  quod  supererat  probationis  atque  examinationis  canonicae  perficeretur,  quum  mihi  prima  cessisset,  illi  quinta  est  concessa.  Vide,  ego  quamvis  apud  meos  occupatissimus,  tamen  non  recusavi  in  gratiam  ecclesiae  tantum  oneris  imponi.  Scripta  est  concordia,  D.  Bucero  tradita:  probat,  sed  referri  ad  populum  placet.  Heri  adsunt,  sed  vocantur  tantum  illi  factiosi,  non  ecclesia  universa:  deinde  non  caeteri  ministri,  sed  tantum  D.  Sturmius,  Severius  et  doctor  Andernacus,  qui  hoc  nomine  causae  favebat,  tum  quia  ex  muliercula  audierat  hunc  Garnerium  optime  concionari.  4)  Aderant  etiam  cum  Emmanuele  D.  doctor  Petrus,5)  qui  proposuit  duo  haec  mala,  vel  ordinem  in  ecclesia  confundi,  si  concedatur  quod  petitur,  vel  604��  1)  Io.  Sturmius,  coetui  gallico  adscriptus,  non  is  erat  qui  factiosis  hominibus  foveret,  ob  tam  futiles  causas  quales  hic  proferuntur.  EUS  criminatione  potius  ipsius  Pollam  concitatum  animum  et  ad  invidiam  pronum  cognosces.  2)  De  Gerhardo  Seveno  v.  Bucer,  ad  Calvinum  {N.  406).  3)  Fuit  is  Avenionensfc,  ob  religionem  profugus,  mox  Petri  Brulyi  successor,  disciplinae  ecclesiasticae  vindex,  a.  1549  occasione  constitutionis  Interim  Argentorato  pulsus.  Cui  splendidum  testimonium  exhibet  Bucerus  ap.  Roehrich.  I  i  .  70.  4)  Haec  sic  interpretamur  ut  dicamus  Sturmium  cum  sociis  etiam  plebis  sententiam  in  negotio  eligendi  pastoris  audire  voluisse.  5)  Uterque  Italus,  Emmanuel  Tremellius  Ferrariensis,  olim  Iudaeus  nunc  hebraicus  vel  inter  paucos  eminens  et  pluribus  doctisque  scriptis  clarus.  Petrus  Martyr  Vermilius  iam  per  biennium  Argentorati  theologiam  docebat.