7:499  499  ACTA  SYNODI  TRIDENTINAE  500  que  vel  impietas,  vel  ignorantia  eorum  fuerit,  qui  baptismum  nobis  administrarunt:  solus  enim  Christus  est,  qui  vere  et  proprie,  per  manum  cuiuslibet  hominis,  baptizat.  In  V.  Ne  circumveniantur  imperiti:  inter  liberum  et  necessarium  medius  est  aliquis  gradus.  Qualiter  hoc  posterius  vocabulum  accipiunt  Romanenses.  Nam  et  nos  baptismi  usum  necessarium  confitemur:  ne  cui  liceat  vel  negligentia,  vel  contemptu,  ipsum  omittere.  Atque  hoc  modo  nequaquam  liberum  facimus.  Nec  fideles  modo  severe  astringimus  ad  eius  observationem,  sed  ordinarium  quoque  Dei  instrumentum  asserimus,  ad  nos  lavandos  et  renovandos,  ad  salutem  denique  nobis  communicandam.  Hoc  tantum  excipimus,  ne  manus  Dei  instrumento  sit  alligata:  quin  possit  per  se  hominum  salutem  perficere.  Nam  ubi  deest  baptismi  facultas,  abunde  valet  sola  Dei  promissio.  Verum  hac  de  re  in  superiorem  sessionem  aliquid  dictum  est.  In  VI  Paradoxum,  quod  damnant,  nos  quoque  repudiamus,  vel  hanc  unam  ob  causam,  quod  fidei  vitam  exstinguit.  In  VII.  [pag.  278]  Si  intelligerent,  quid  sit  lex  Christi,  de  reliquo  non  difficulter  conveniret:  sed  ut  de  Christi  lege  solent  loqui,  hoc  uno  capite  demonstrant,  quam  procul  absint  a  vera  baptismi  notitia.  Neque  tamen  ignoro,  quid  eos  fefellerit.  Nam,  quemadmodum  circumcisione  ad  servandam  Moysis  legem  obligari  hominem  docet  Paulus  (Gal.  5,  3):  ita  et  in  baptismo,  quoad  legem  Christi,  similem  obligationem  statuunt.  Atque  haec  quidem  comparatio  apta  foret,  nisi  in  primo,  ut  aiunt,  limine  impingerent:  nam  vehementer  errant,  dum  existimant  Paulum  de  vero  circumcisionis  usu,  ac  non  potius  de  abusu,  illic  disserere.  Nam  si  implendae  legis  fuerunt  debitores,  quicunque  fuerunt  circumcisi:  sequitur,  maledictioni  fuisse  obnoxios.  Atqui  longe  aliter  docet  idem  Paulus  (Rom.  4,  11):  quum  circumcisionem  sigillum  appellat  iustitiae  fidei.  Qui  autem  opus  esse  meritorium  fingebant,  iis  etiam  erat  professio  servandae  legis.  Nobis  quid  hodie  baptismus?  Tametsi  chirographum  est  mutuae  inter  nos  et  Deum  obligationis,  hoc  tamen  habet  praecipuum,  ut  de  gratuita  peccatorum  remissione  perpetuaque  adoptionis  gratia  nos  certiores  reddat.  Quod  cum  Tridentina  affirmatione  aeque  pugnat,  atque  liberatio  contraria  est  servituti.  In  VIII.  Unus  est  legislator,  inquit  Iacobus  (4,  12),  qui  potest  servare  et  perdere.  Ubi  falsum  hoc  esse