6:499  DE  NECESSITATE  c  ari  labyrintho  eos  oporteat,  quicunque  illa  lege  obstringi  se  putant.  Accesserat  ad  tam  crudele  conscientiarum  tormentum  blasphema  superbia,  quod  peccatorum  remissionem  illic  incluserant.  Neminem  enim  veniam  a  Deo  obtinere  fingebant,  nisi  qui  [pag.  78]  votum  haberet  confitendi.  Quidnam  hoc  quaeso  est,  ut  modum  ex  suo  capite  praescribant  homines,  quo  reconcilietur  Deo  peccator?  ut,  Deo  veniam  simpliciter  offerente,  ipsi  negent,  donec  conditio,  quam  addiderunt,  impleta  fuerit?  Ex  altera  parto  haec  pessima  superstitio  populum  tenebat:  simul  ac  in  aurem  sacerdotis  exonerassent  sua  peccata,  omni  so  reatu  esse  liberatos.  Hac  opinione  multi  ad  solutiorem  peccandi  licentiam  abutebantur:  qui  autem  maiori  Dei  timore  praediti  erant,  ad  sacerdotem  timen  magis,  quam  ad  Christum,  respectabant.  Caeterum,  publicam  ac  solennem  exomologesin,  sicuti  vocat  Cyprianus,  quae  olim  iniungi  solebat  poenitentibus,  quum  ecclesiae  reconciliandi  forent,  nemo  sanus  est,  qui  non  laudet,  ac  libenter  amplectatur:  modo  non  in  alium  trahatur  finem,  quam  quo  instituta  fuit.  Denique,  nihil  nobis  in  hac  re  est  controversiae  cum  veteri  ecclesia:  sed  recentem  modo  tyrannidem,  nec  ita  pridem  exortam,  a  fidelium  cervicibus  profligatam,  sicuti  par  est,  volumus.  Praeterea  si  quis,  ut  consolatione  et  consilio  iuvetur,  privatim^  ministrum  suum  adeat,  et  familiariter  in  eius  sinum  deponat  axietatis  suae  causas,  quin  id  pie  et  utiliter  fiat,  nequaquam  refragamur:  modo  ne  cx  libertate  fiat  necessitas.  Relinquatur,  inquam,  hic  cuique  libertas,  ut  faciat,  quod  sibi  expedire  noverit:  nullius  conscientia  certis  legibus  obligetur.  Haec  excusatio  tum  maiestati  tuae,  ut  spero,  Caesar,  tum  vobis,  illustrissimi  Principes,  sicut  plena  est  aequitatis,  satisfaciet.  [pag.  79]  Verum,  utcunque  merito,  et  corruptam  veritatis  doctrinam,  et  christianismum  totum  multis  vitiis  profanatum  fuisse  conqueramur,  negant  tamen  reprehensores  nostri,  propterea  fuisse  causam,  cur  ecclesiam  adeo  turbari,  et  quodammodo  concuti  terrarum  orbem  oportuerit.  Equidem,  nec  ita  sumus  stupidi,  quin  sentiamus  quantopere  cavendi  sint  publici  tumultus:  nec  ita  ferrei,  quin  tangamur,  atque  etiam  horreamus  toto  pectore,  quum  turbulentum  hunc  cernimus  ecclesiae  statum.  Verum  qua  aequitate  nobis  imputatur  praesentium  motuum  culpa,  quum  a  nobis  minime  concitati  fuerint?  Imo  qua  fronte  nobis  turbatae  ecclesiae  crimen  obiiciunt,  quos  constat  omnium  turbarum  esse  autorcs?  Lupi  scilicet  de  agnis  conqueruntur.  Quum  initio  prodiit  Lutherus,  paucos  tantum,  et  eos  nimis  crassos  abusus,  nec  iam  tolerabiles,  leviter  notabat  idque  ea  modestia,  ut  eos  correctos  cupere  se  magis  indicaret,  quam  auderet  ipse  corrigere.  Hic  ab  adversa  parte  ad  arma  protinus  conclamatum  est:  et  quum  magis  ac  magis  accenderetur  contentio,  hoc