5:499  CONSILIUM  PAULI  III.  minit  a  fortuna  adiutam.  Tentet  igitur  nunc  oportet  quod  decet  contemptorem  Dei  et  hominum.  At  protestantes  hac  fiducia  consistere  oportet,  quod  ducem  habent  universo  mundi  robore  validiorem.  Eius  sunt  voces:  Confide  pusille  grex,  quia  complacuit  patri  tuo  tibi  dare  regnum.  Item:  Nolite  timere  eos  qui  postquam  occiderint  corpus,  non  habent  ultra  quod  faciant,  sed  eum  timete  qui  et  corpus  interficere  et  animam  in  gehennam  coniicere  potest.  Item  :  Qui  animam  suam  propter  me  et  evangelium  meum  perdiderit,  inveniet  eam  in  vitam  aeternam.  Nam  eo  aucto  et  corroborata  vel  protestantes  patientur  se  adduci  ad  concilium  et  eius  determinationi  se,  ut  debent,  subiicient,  vel  si  erunt  obstinati  illo  ipsomet  foedere  maiestates  suae  utentur  ad  eos  corrigendos  et  ad  saniorem  mentem  reducendos  post  concilii  decretum,  [fol.  40]  Atque  haec  quidem  dicta  sunt,  quantum  ad  religionem  attinet.  Ne  quis  vafre  agere  pontificem  insimulet,  consilii  sui  rationem  simpliciter  hic  exponit.  Siquidem  aucto  foedere  alterutrum  e  duobus  confidit  evenire  oportere,  vel  ut  se  protestantes  concilii  determinationi  subiiciant,  vel  si  recusent  vi  et  manu  coerceantur.  Hoc  autem  in  summa  est,  nisi  deditione  facta,  se  suaque  in  pontificis  romani  potestatem  tradiderint,  armis  subigantur,  nec  finis  sit  aut  modus  fundendi  sanguinis  donec  exstet  qui  hiscere  ausit  contra  abominabile  illud  romanae  sedis  imperium.  Quis  nunc  miretur  eos  ita  iudicare,  quo  magis  validum  sit  ac  potens  hoc  foedus,  tanto  sibi  fore  utilius?  Quare  haec  romani  pastoris  virga,  hoc  pedum  est,  quo  statuit  oviculas  ad  caulas  reducere.  Sed  ex  adverso  propheta  clamat:  Inite  consilium  et  irritum  fiet,  percutite  foedus  et  dissipabitur.  Et  sane  iam  antehac  non  semel  ostendit  Deus,  nullum  contra  se  posse  stare  hominum  consilium.  Sed  quorsum  hic  meminit  de  concilii  determinatione,  qui  nihil  aliud  cogitat  quam  habendi  concilii  necessitatem  quoque  modo  effugere?  Hoc  omnino  est  quod  dicam.  Accessione  de  qua  laborat  facta,  rationes  sibi  ad  manum  esse  non  ambigit,  quibus  efficiat  ne  foederati  de  habendo  concilio  sibi  amplius  molesti  sint.  Haec  enim  iusta  est,  saltem  usitata  praeparatio  et  concilii  habendi  et  causae  disceptandae,  ut  ante  omnia  in  integrum  ecclesia  restituatur.  Porro  haec  restitutio  duobus  potissimum  membris  constat:  ut  a  repurgatione  doctrinae  et  ecclesiae  reformatione  quam'  temere  attentarunt  protestantes  supersedeant,  imo  potius  hoc  totum,  quod  perperam  nulloque  iure  sibi  sumpserunt,  abiiciant:  deinde  quamcumque  sibi  fidem  ac  religionis  formam  tradiderit  romana  ecclesia,  eam  se  promittant  obedienter  suscepturos.  Quidlibet  autem  facturos  non  dubitat,  ubi  viribus  superior  gladium  exsertum  super  eorum  cervices  tenuerit,  si  unum  hoc  obtinuerit,  pacata  prorsus